Չավուշօղլուի կոշտ պատասխանը Իրաքի վարչապետին.

Տարածաշրջան13:30, 02 Նոյեմբեր 2016

Չավուշօղլուի կոշտ պատասխանը Իրաքի վարչապետին.

Թուրքիայի արտաքին գործերի նախարար Մևլութ Չավուշօլղուն նոյեմբերի 2-ին տեղի ունեցած մամուլի ասուլիսի ժամանակ պատասխանել է Իրաքի վարչապետ Հայդար Աբադիի՝ թուրք-իրաքյան սահմանի մոտ թուրքական զորքերի ու զրահատեխնիկայի կուտակման վերաբերյալ հայտարարությանը:

Միջանկյալ նշենք, որ Իբադին պաշտոնական Անկարային զգուշացրել էր, որ նման քայլերի շարունակության դեպքում Թուրքիան Իրաքի կողմից թշնամի կդիտվի և դրա դեմ կցուցաբերվի համապատասխան վերաբերմունք:

«Եթե դու այդքան ուժեղ ես, ինչո՞ւ է «Քուրդիստանի բանվորական կուսակցությունը» տարիներ շարունակ օկուպացնում քո տարածքը: Դու չես կարողանում պայքարել ահաբեկչական կազմակերպության դեմ, դու թույլ ես: Մենք բարեկամական ուղերձ ենք հղում, իսկ Աբադին սադրող ուղերձներ է հղում»,-ըստ թուրքական «Hurriyet»-ի՝ ասել է Չավուշօղլուն

Հիշեցնենք, որ երեկ թուրքական մամուլում լուրեր տարածվեցին այն մասին, որ Անկարայից ու Չանքըրըյից ծանր ռազմական տեխնիկա, այդ թվում տանկեր, անվավոր զրահատեխնիկա և այլ հատուկ տեխնիկաներ են ուղարկվել թուրք-իրաքյան սահման` Քիլիս նահանգի Սիլոփի շրջանին հարող հատված:

2 երկրների միջև լարվածությունը սկսվել էր այն բանից հետո, երբ 2015թ. դեկտեմբերի 10-ին թուրքական զորախումբն առանց Իրաքի կենտրոնական իշխանությունների թույլտվության ներխուժել էին իրաքյան Քուրդիստանի Մոսուլ քաղաքից 30կմ հեռավորության վրա գտնվող Բաշիքա շրջան և հաստատվել ավելի վաղ թուրքերի կողմից հիմնած ռազմակայանում: Թուրքական կողմի պնդմամբ` իրենց զորախումբը նպատակ ունի մարզել իրաքյան Քուրդիստանի զինված ուժերի` Փեշմերգայի զորաջոկատները` «Իսլամական պետություն» (ԻՊ) ահաբեկչական կազմակերպության դեմ մղվող մարտերի համար:

Աղբյուր` Ermenihaber.am

Այս ենթաբաժնի վերջին նորությունները

13:45, 29 ապր

Բացվել է Թուրքիայի 2-րդ ամենամեծ օդանավակայանը

Անթալիայի օդանավակայանը կարող է տարեկան սպասարկել շուրջ 82 մլն ուղևորի։

13:30, 28 ապր

Անկարան քուրդ զինյալներին սպառնում է ռազմական գործողություններով

Ֆիդան․«Ինչպես «Իսլամական պետություն» ահաբեկչական կազմակերպությունըդուրս եկավ ասպարեզից, այնպես էլ PKK-ն դուրս կգա: Կա՛մ իր կամքով՝ խաղաղության մեջ, կա՛մ այլ կերպ»։