Թուրք պատգամավորը Ֆեթուլահ Գյուլենին հայկական ծագում է վերագրում

Տարածաշրջան07:32, 02 Նոյեմբեր 2016

Թուրք պատգամավորը Ֆեթուլահ Գյուլենին հայկական ծագում է վերագրում

Թուրքական «Kanal A» հեռուստաալիքի «Թուրքիայի ընտրությունը» հաղորդմանը հյուրի կարգավիճակում պատգամավոր Օրհան Դելիգյոզը անդրադարձել է գյուլենական շարժման առաջնորդ Ֆեթուլլահ Գյուլենի ծագմանը:

Թուրքիայում իշխող «Արդարություն և զարգացում կուսակցության» (AKP-ԱԶԿ) պատգամավոր Դելիգյոզը, ցանկանալով «վարկաբեկել» Էրդողանի քաղաքական հակառակորդ, իսլամական քարոզիչ ու երկրի իշխանությունների կողմից հուլիսի 15-ի հեղաշրջման փորձը նախաձեռնելու մեջ մեղադրվող Գյուլենին, նրան վերագրել է հայկական ու հրեական ծագում:

Պատգամավորը հայտարարել է, որ Գյուլենի հայրը ազգությամբ հայ է, իսկ մայրը` հրեա: Դելիգյոզը նշել է, որ Գյուլենի մոր անունը Ռաբին է եղել` շեշտելով, որ այդպիսի անուն չի կիրառվում ո՛չ թուրքերի, ո՛չ էլ քրդերի շրջանում: Իսկ ահա հոր մասին պատգամավորը որևէ տեղեկություն չի հայտնել: Ուղղակի նշել է, որ Գյուլենի ընտանիքը Թուրքիա է գաղթել Իրանից: Մի կարճ ժամանակ ապրել է Բիթլիսում, այնուհետև տեղափոխվել Էրզրում: Դելիգյոզն ասել է, որ Էրզրումում Գյուլենը իր հոր անունով նույնիսկ մզկիթ է հիմնել, բայց դարձյալ չի պարզաբանել, թե ինչ է Գյուլենի ենթադրյալ «հայ» հոր անունը:

Աղբյուր` Ermenihaber.am

Այս ենթաբաժնի վերջին նորությունները

13:45, 29 ապր

Բացվել է Թուրքիայի 2-րդ ամենամեծ օդանավակայանը

Անթալիայի օդանավակայանը կարող է տարեկան սպասարկել շուրջ 82 մլն ուղևորի։

13:30, 28 ապր

Անկարան քուրդ զինյալներին սպառնում է ռազմական գործողություններով

Ֆիդան․«Ինչպես «Իսլամական պետություն» ահաբեկչական կազմակերպությունըդուրս եկավ ասպարեզից, այնպես էլ PKK-ն դուրս կգա: Կա՛մ իր կամքով՝ խաղաղության մեջ, կա՛մ այլ կերպ»։