Թուրքիայում հեղաշրջման փորձի վնասները կփոխհատուցվեն զինվորականների թոշակներից

Տարածաշրջան08:17, 01 Նոյեմբեր 2016

Թուրքիայում հեղաշրջման փորձի վնասները կփոխհատուցվեն զինվորականների թոշակներից

Թուրքիայի կառավարության հատուկ որոշմամբ կալանք է դրվել բոլոր այն զինվորականների կենսաթոշակային կուտակային ֆոնդի հաշիվների (OYAK-Բանակի օգնության ֆոնդ) վրա, որոնք հուլիսի 15-ի հեղաշրջման փորձից հետո հեռացվել են զինված ուժերի շարքերից` գյուլենական շարժման (համայնք) հետ կապ ունենալու պատճառով:

Թուրքական բանակի բոլոր սպաների համար, ըստ իրենց կոչումների ու պաշտոնների, ծառայության ողջ ընթացքում գումար է կուտակվում «Բանակի օգնության ֆոնդում» ունեցած իրենց հաշիվներին, որը ծառայության ավարտից սկսած թոշակի տեսքով վերադարձվում է վերջիններին:

Ըստ թուրքական «Haberturk» թերթի կայքի` կառավարության այս որոշումը, որը հղում է անում վերջերս փոփոխության ենթարկված ահաբեկչության մասին օրենքի 20-րդ հոդվածին, հնարավորություն է տալիս դատախազության պահանջով և դատարանի որոշմաբ սառեցնել ձերբակալված կամ բանակից հեռացված սպաների ֆոնդային հաշիվները:

Ֆոնդում գտնվող սառեցված հաշիվներում առկա գումարների ճակատագիրը (որոնք գեներալ մայորների համար կազմում են 250-300 հազար թուրքական լիրա (100.000 դոլար), իսկ գեներալ գնդապետների համար հասնում են մինչև 1 մլն լիրայի (330.000 դոլար)), կորոշի դրանց տերերի վերաբերյալ իրականացվող դատավարությունների ու քննությունների ավարտից հետո:

Հեղաշրջման փորձի մեջ մեղավոր ճանաչված բոլոր սպաները կզրկվեն գումարներից, իսկ այդ գումարները կուղղվեն հեղաշրջման գիշերը տեղի ունեցած ավերածությունների փոխհատուցմանը: Դրանցից փոխհատուցում կտրամադրվեն նաև հեղաշրջման գիշերը բախումների ընթացքում զոհված քաղաքացիների ու ոստիկանների ընտանիքներին:

Հիշեցնենք, որ հուլիսի 15-ին Թուրքիայում զինվորականների կողմից ռազմական հեղաշրջման փորձ էր տեղի ունեցել: Թուրքիայի իշխանությունները՝ նախագահ Ռեջեփ Թայիփ Էրդողանի գլխավորությամբ, հեղաշրջման փորձի կազմակերպման մեջ մեղադրում են գյուլենական համայնքին և առաջնորդ Գյուլենին: Վերջինս հերքել է իր մասնակցությունը հեղաշրջման փորձին՝ այն անվանելով հոլիվուդյան ֆիլմի սցենարով բեմականացում:

Աղբյուր` Ermenihaber.am

Այս ենթաբաժնի վերջին նորությունները

13:45, 29 ապր

Բացվել է Թուրքիայի 2-րդ ամենամեծ օդանավակայանը

Անթալիայի օդանավակայանը կարող է տարեկան սպասարկել շուրջ 82 մլն ուղևորի։

13:30, 28 ապր

Անկարան քուրդ զինյալներին սպառնում է ռազմական գործողություններով

Ֆիդան․«Ինչպես «Իսլամական պետություն» ահաբեկչական կազմակերպությունըդուրս եկավ ասպարեզից, այնպես էլ PKK-ն դուրս կգա: Կա՛մ իր կամքով՝ խաղաղության մեջ, կա՛մ այլ կերպ»։