Թուրքիայի քրդամետ կուսակցության համանախագահի նկատմամբ հետաքննություն է սկսվել

Իրավական07:54, 28 Հոկտեմբեր 2016

Թուրքիայի քրդամետ կուսակցության համանախագահի նկատմամբ հետաքննություն է սկսվել

Դիարբեքիրի հանրապետական դատախազությունը Թուրքիայի քրդամետ «Ժողովուրդների դեմոկրատական կուսակցության» (HDP-ԺԴԿ) համանախագահ Սելահեթթին Դեմիրթաշի նկատմամբ հետաքննություն է սկսել:

Ըստ թուրքական «Demokrathaber.org» լրատվական կայքի` հետաքննությունը սկսվել է Դիարբեքիրի ձերբակալված քուրդ համաքաղաքապետեր Գյուլթեքին Քըշանաքի և Ֆըրաթ Անլըի համար կազմակերպված բողոքի ցույցի ժամանակ Դեմիրթաշի ունեցած ելույթի պատճառով:

Նշվում է, որ հետաքննությունը Դեմիրթաշին որպես կասկածյալ է ներգրավվել «Ժողովրդին օրենքներին չենթարկվելու կոչ անելու, Թուրքիայի Հանրապետության դատական օրգանները անարգելու, նախագահին վիրավորելու, հանցանքն ու հանցավորին գովաբանելու» մեղադրանքներով:

Երեկ տեղի ունեցած բողոքի ցույցի ժամանակ Դեմիրթաշը ելույթում մասնավորապես ասել է.

«Կատարվածը չենք ընդունելու որպես սովորական իրադարձություն: Մինչ այժմ միշտ վաղաժամ ընտրություններ ենք տեսել: Սրանից հետո վաղաժամ ընտրություններ չեն լինելու. Պայքարելու ենք մինչև քաղաքապետարաններին վերադարձնեն մեզ: 81 նահանգներում (Թուրքիայի-խմբ.) փողոց են դուրս գալու մեր բոլոր ընկերները: Հետքայլ չի լինելու»:

Աղբյուր` Ermenihaber.am

Այս ենթաբաժնի վերջին նորությունները

11:50, 11 սեպ

Թուրքիայում 10 խոշոր ձեռնարկատեր կձերբակալվի

Նրանց թվում են «Can Holding»-ի ղեկավարները, որոնք մեղադրվում են «հանցավոր կազմակերպություն ստեղծելու», «մաքսանենգության», «խարդախության» և «փողերի լվացման» մեջ։