Սիրիայի Ջարաբլուս քաղաքում ընդդիմադիրները սկսել են թուրքական ոստիկանության գլխարկներ կրել

Տարածաշրջան09:35, 13 Հոկտեմբեր 2016

Սիրիայի Ջարաբլուս քաղաքում ընդդիմադիրները սկսել են թուրքական ոստիկանության գլխարկներ կրել

«Սիրիական ազատ բանակ» ընդդիմադիր խմբավորման զինյալները թուրքական բանակային ստորաբաժանումների օգնությամբ «Իսլամական պետություն» (ԻՊ) ահաբեկչական կազմակերպության զինյալներից գրաված Սիրիայի Ջարաբլուս քաղաքում սեփական ոստիկանական ստորաբաժանումներն են հիմնել:

Ըստ թուրքական «Sondakika.com» լրատվական կայքի` քաղաքի ներքին կարգուկանոնը հսկելու նպատակով ստեղծված ջոկատների անդամները կրում են միանման համազգեստ, որի մասն են կազմում թուրքական ոստիկանության ծառայողների գլխարկները:

Ընդդիմադիրների կողմից որպես շտաբ օգտագործվող նախկին դպրոցի շենքի ու այլ վարչական շենքերի վրա փակցված են թուրքական դրոշներն ու Թուրքիայի նախագահ Ռեջեփ Թայիփ էրդողանի նկարները:

Հիշեցնենք, որ Թուրքիայի բանակի ստորաբաժանումներ և «Սիրիական ազատ բանակ» կոչվող ընդդիմադիր խմբավորման զինյալները օգոստոսի 24-ի առավոտյան ժամը 5-ի սահմաններում լայնամասշտաբ գործողություն էին սկսել ԻՊ-ի զինյալների կողմից վերահսկվող սիրիական Ջարաբլուս քաղաքում: Այդ օպերացիան ստացել էր «Եփրատի վահան» անունը: Չնայած, որ Թուրքիային սահմանակից սիրիական Ջերաբլուսը մաքրվել է ԻՊ-ի զինյալներից, այնումամենայնիվ թուրքական ուժերը դեռևս չեն շտապում լքել Սիրիայի տարածքը:

Աղբյուր` Ermenihaber.am

Այս ենթաբաժնի վերջին նորությունները

13:45, 29 ապր

Բացվել է Թուրքիայի 2-րդ ամենամեծ օդանավակայանը

Անթալիայի օդանավակայանը կարող է տարեկան սպասարկել շուրջ 82 մլն ուղևորի։

13:30, 28 ապր

Անկարան քուրդ զինյալներին սպառնում է ռազմական գործողություններով

Ֆիդան․«Ինչպես «Իսլամական պետություն» ահաբեկչական կազմակերպությունըդուրս եկավ ասպարեզից, այնպես էլ PKK-ն դուրս կգա: Կա՛մ իր կամքով՝ խաղաղության մեջ, կա՛մ այլ կերպ»։