Մշակութային10:31, 13 Հոկտեմբեր 2016
Ստամբուլահայ երգչուհու նոր երգը աշխարհի հայերի կարոտի մասին է
Ստամբուլահայ երգչուհի Սիբիլը հոկտեմբերի 14–ին Երևանում կներկայացնի իր նոր տեսահոլովակը:
«Վանայ լիճին...» կոչվող երգը և տեսահոլովակը ներկայացնում են հայի հույզերն ու կարոտը իր հոգևոր հայրենիքի հանդեպ: Երգը զրույց է Վանա լճի հետ։
«Ermenihaber.am»-ի հետ զրույցում երգչուհին կիսվեց տեսահոլովակի շնորհանդեսից իր սպասումներով.
«Ուրախ եմ վերջապես տեսահոլովակը հանդիսատեսի դատին հանձնել: Հուսամ այն կարժանանա երաժշտասերների հավանությանը: Ինձ համար կարևոր է շատ երգի խորհուրդը: Երգը Վանա լճի մասին է, ուստի աշխարհի բոլոր հայերի կարոտի մասին է»-նշեց երգչուհին:
Ի դեպ, երգը գրվել է «Պատասխան՝ 100 տարի անց» ծրագրի շրջանակներում՝ Արևմտյան Հայաստան կատարված ուխտագնացության տպավորությունների ներքո: Ծրագրի համակարգող և երգի հեղինակ Հասմիկ Հախվերդյանը նշում է, որ այն փաստը, որ ծրագրի մի մասը կազմող ստեղծագործության կատարումը վստահվել է Սիբիլին, իր մեջ կարևոր խորհուրդ է պարունակում:
«Ինձ համար՝ որպես հեղինակի, դժվար չէր տեսնել այն երգչուհուն, ով պետք է մարմնավորեր Հայի հավաքական կերպարն ու, իբրև մի նոր Ախթամար, ներկայացներ հայությանը միավորող հույզերն ու երազանքները։ Այդ Ախթամարը Հայոց ցեղասպանությունից հետո Պոլսում հաստատված նախնիների շառավիղ հանդիսացող և այդ հողի վրա Հայի գոյությունը պահող հայուհի Սիբիլն է, ով անմիջապես զգաց, որ այդ երգն իրենն է»,- ասում է Հախվերդյանը:
Տեսահոլովակի պրոդյուսերը Անդրե Սիմոնյանն է, ռեժիսորը՝ Մարիամ Գևորգյանը։ Տեսահոլովակի պրեմիերան տեղի կունենա հոկտեմբերի 14-ին, ժամը 14:00-ին «Սինեմա Սթար» կինոթատրոնի փոքր դահլիճում:
Այս ենթաբաժնի վերջին նորությունները
Սերիալը կհեռարձակվի «Լույս TV»-ի եթերում՝ հայերեն հնչողությամբ և թուրքերեն ենթագրով։
Եկեղեցուն զուգահեռ վերանորոգվելու է հարակից տարածքում գտնվող և նախկինում ÇEK-ի կողմից շահագործված շենքը, որը ևս մշակութային կենտրոնի մի մասն է կազմելու:
Նշվում է, որ Ուրֆայում գտնվող հայկական եկեղեցու մի մասը փլուզվել է երկրաշարժի հետևանքով, իսկ մյուս մասը՝ վերածվել մզկիթի։
Ուղիղ խոսք
Անկարայում հարձակում TUSAŞ-ի վրա․ մանրամասներ և վերլուծություն
ամենաշատ ընթերցված
Հրապարակվել է հոդված Հայաստանի տեխնոլոգիական ոլորտի զարգացման մասին։
Ermenihaber.am-ը զրուցել է Արցախի անկման մասին պատմող «Վիրավոր արծիվը» վավերագրության հեղինակ Դեմիր Սյոնմեզի հետ։
Հիշեցնենք, որ վերջին շրջանում Թուրքիայի և Պակիստանի ռազմական համագործակցության խորացման մասին բազմատեսակ տեղեկություններ են շրջանառվում:
Մի քանի րոպե անց մայրը նկատել է կատարվածը և դուրս է բերել նրան աղբարկղից:
Կա՞ արդյոք երաշխիք, որ հայկական կողմի հետ հարաբերությունները կարգավորելուց հետո մի օր թուրքը կրկին «թուրը չպիտի սրի»:
Օրացույց
Հարցումներ
Այս տարի կբացվի՞ հայ-թուրքական սահմանը 2 երկրների քաղաքացիների համար:
արտարժույթ
| EUR | TRY | USD |
| 549.84 | 90.05 | 485.12 |