Իրաքցի հրամանատար. «Թուրք զինվորներին կվերաբերվենք որպես օկուպանտների»

Տարածաշրջան09:31, 06 Հոկտեմբեր 2016

Իրաքցի հրամանատար. «Թուրք զինվորներին կվերաբերվենք որպես օկուպանտների»

Իրաքի տարածքում «Իսլամական պետություն» (ԻՊ) ահաբեկչական կազմակերպության դեմ պայքարի նպատակով հիմնված «Հաշդի Շաբի» զինված խմբավորման հրամանատար Աբու Մեհդի ալ-Մուհենդիսը խստորեն դատապարտել է Թուրքիայի մեջլիսի այն օրինագիծը, որով մեկ տարով ևս երկարաձգվել երկրի զինված ուժերին Սիրիայում և Իրաքում ռազմական գործողությունների իրականցնելու թույլտվությունը: Այս խմբավորումը շիա կրոնական գործիչ Ալի ալ-Սիստանիի կոչով գերազանցապես կազմվել է շիաներից:

Ալ-Մուհենդիսը թուրքական մեջլիսի որոշումը որակել է որպես Իրաքի ինքնիշխանության ոտնահարում և բացահայտ միջամտություն երկրի ներքին գործերին:

«Հաշդի Շաբի» հրամանատարը հայտարարել է, որ Իրաքում գտնվող թուրքական զորախմբին վերաբերվելու են որպես օկուպանտների` ակնարկելով, որ նրանց դեմ կպատերազմեն այնպես, ինչպես պատերազմում են ԻՊ-ի հետ:

Շիա հրամանատարը տեղեկացրել է նաև, որ Իրաքի Մոսուլ քաղաքը ԻՊ-ից ազատագրելու գործողության ընթացքում որոշ ուղղություններ վստահվելու են հենց «Հաշդի շաբիին»:

Հիշեցնենք, որ 2015թ. դեկտեմբերի 10-ին թուրքական զորաջոկատներն առանց Իրաքի կենտրոնական իշխանությունների թույլտվության ներխուժել էին իրաքյան Քուրդիստանի Մոսուլ քաղաքից 30կմ հեռավորության վրա գտնվող Բաշիքա շրջան և հաստատվել ավելի վաղ թուրքերի կողմից հիմնած ռազմակայանում: Թուրքական կողմի պնդմամբ` իրենց զորախումբը նպատակ ունի մարզել իրաքյան Քուրդիստանի զինված ուժերի` Փեշմերգայի զորաջոկատները` «Իսլամական պետություն» (ԻՊ) ահաբեկչական կազմակերպության դեմ մղվող մարտերի համար:

Աղբյուր` Ermenihaber.am

Այս ենթաբաժնի վերջին նորությունները

13:45, 29 ապր

Բացվել է Թուրքիայի 2-րդ ամենամեծ օդանավակայանը

Անթալիայի օդանավակայանը կարող է տարեկան սպասարկել շուրջ 82 մլն ուղևորի։

13:30, 28 ապր

Անկարան քուրդ զինյալներին սպառնում է ռազմական գործողություններով

Ֆիդան․«Ինչպես «Իսլամական պետություն» ահաբեկչական կազմակերպությունըդուրս եկավ ասպարեզից, այնպես էլ PKK-ն դուրս կգա: Կա՛մ իր կամքով՝ խաղաղության մեջ, կա՛մ այլ կերպ»։