Թուրքական զինուժը Սիրիայում հարձակման է ենթարկվել

Տարածաշրջան08:02, 05 Հոկտեմբեր 2016

Թուրքական զինուժը Սիրիայում հարձակման է ենթարկվել

Հոկտեմբերի 5-ին առավոտյան Թուրքիայի զինված ուժերը Սիրիայի հյուսիսային Ալ Ռայի շրջանում (մոտ է Հալեպին) «Եփրատի վահան» գործողության շրջանակներում հարձակման են ենթարկվել «Իսլամական պետություն» (ԻՊ) ահաբեկչական կազմակերպության զինյալների կողմից:

Միջանկյալ նշենք, որ Ալ Ռային այժմ գտնվում է Սիրիայի ազատ բանակի» (ընդդիմադիր ուժեր) զինյալների վերահսկողության տակ, որին պաշտոնական ԱՆկարան աջակցություն է ցուցաբերում:

Ըստ թուրքական «Haberler» լրատվամիջոցի` հարձակման հետևանքով սպանվել է 1 թուրք զինվոր, 3 զինվոր էլ՝ վիրավորվել: Բախման ժամանակ սպանվել են նաև ԻՊ-ի 18 գրոհայիններ:

Բախման կիզակետում են եղել նաև «Սիրիայի ազատ բանակի» զինյալները: Նրանցից 2 հոգի սպանվել է, 17 հոգի էլ վիրավորվել են:
Նշվում է, որ ի պատասխան այդ հարձակման՝ թուրքական ուժերը « Fırtına » տեսակի հաուբիցներով և տանկերով կրակ են բացել ԻՊ-ի դիրքերի ուղղությամբ:

«Եփրատի վահան» գործողության առաջին օրվանից մինչ օրս, հարվածներ են հասցվել ԻՊ-ի 1875 թիրախի ուղղությամբ:

Թուրքական օդուժը նաև օպերացիա է իրականացրել Սիրիայի հյուսիսային Աքթարիմ, Ռասմ ալ Վարդմ Քաբթան և Դավիք շրջաններում գտնվող ԻՊ-ի հենակետերի ուղղությամբ: Դրա ընթացքում ոչնչացվել է ԻՊ-ի 2 հրամանատարական կենտրոն:

Աղբյուր` Ermenihaber.am

Այս ենթաբաժնի վերջին նորությունները

13:45, 29 ապր

Բացվել է Թուրքիայի 2-րդ ամենամեծ օդանավակայանը

Անթալիայի օդանավակայանը կարող է տարեկան սպասարկել շուրջ 82 մլն ուղևորի։

13:30, 28 ապր

Անկարան քուրդ զինյալներին սպառնում է ռազմական գործողություններով

Ֆիդան․«Ինչպես «Իսլամական պետություն» ահաբեկչական կազմակերպությունըդուրս եկավ ասպարեզից, այնպես էլ PKK-ն դուրս կգա: Կա՛մ իր կամքով՝ խաղաղության մեջ, կա՛մ այլ կերպ»։