Իրավական09:08, 05 Հոկտեմբեր 2016
«Financial Times»-ը դատապարտել է Թուրքիայում արտակարգ դրության ռեժիմի չարաշահումները
Բրիտանական «Financial Times» պարբերականն անդրադարձել է Թուրքիայում տիրող իրավիճակին և նոր զարգացումներին: «Sputnik»-ի թուրքական ծառայության տեղեկացմամբ՝ թերթը մասնավորապես նշել է, որ արտակարգ դրության ռեժիմի ժամկետի երկարաձգումը բոլորովին անսպասելի չէր: Սակայն, միևնույն ժամանակ, «Finanacial Times»-ը ընդգծել է, որ ձախողված հեղաշրջման փորձից հետո Թուրքիայում իշխանությունների կողմից իրականացվող պատժիչ գործողությունները արդեն մտահոգիչ ծավալների են հասնում:
«Էրդողանի նման համառ և ավտորիտար մի անձի համար տարբեր կառույցները և հատկապես սահմանադրական դատարանը շրջանցելու հնարավորությունը միշտ էլ ծայրահեղ հրապուրիչ է: Բայց դրանից շատ ավելի մտահոգիչ է արտակարգ դրության անվան տակ իրագործվող լուծարման գործընթացների ծավալները»,- գրում է թերթը:
Պարբերականը համոզիչ չի համարում Էրդողանի առաջ քաշած այն տեսակետը, թե արտակարգ դրության ժամկետի երակարացման համար որպես օրինակ է վերցվել Ֆրանսիան:
«Դրա առաջին պատճառը այն է, որ ներկայումս ահաբեկիչ համարվող գյուլենականների հզորացումն ապահովողը հենց ինքն է: Նախորդ տարիների ընթացքում ռազմական և աշխարհիկ մրցակիցներից եկող սպառնալիքները հաղթահարելով ուժն իր ձեռքում կենտրոնացնելիս Գյուլենը Էրդողանի և «Արդարություն և զարգացում» կուսակցության համար անգնահատելի դաշնակից էր: Տեղի ունեցող սարսափելի ուժային պայքարի պատասխանատուներից մեկն էլ հենց հանրապետության նախագահն է»:
Թերթը նշում է, որ գյուլենականների դեմ ուղղված լուծարման և ձերբակալությունների գործընթացը աննախադեպ մեծ չափերի է հասել և ընդգծում, որ Էրդողանը արտակարգ դրությունն օգտագործում է իր բոլոր թշնամիներից ազատվելու համար:
«Իսկ ավելի վտանգավոր է այն, որ Էրդողանը հեղաշրջման փորձը օգտագործում է որպես պատրվակ՝ բոլոր ընդդիմադիրներին ձերբակալելու համար: Այս իրավիճակը ոչ միայն ոչնչացնում է հեղաշրջման փորձից հետո ազգային համախմբման հնարավորությունը, այլև փչացնում է թուրք ազգի էությունը և հիմքից խարխլում ենթակառույցները, ադ թվում՝ նաև անվտանգության համակարգը»,- գրում է «Financial Times»-ը:
Պարբերականն ընդգծում է, որ ստեղծված իրավիճակը վտանգավոր է հենց Թուրքիայի համար, որն առանց այդ էլ թուլացած է ջիհադական սպառնալիքների և բախումների պատճառով:
«Այս խիստ միջոցառումները կատարվում են՝ առանց հարգելու օրենքի գերակայությունը: Եվրամիության (ԵՄ) անդամ որոշ երկրներ, ինչպես օրինակ Հունգարիան, կարող են առաջնորդվել սեփական մոլեռանդ ժողովրդավարական մոդելներով: Սակայն նույնիսկ թեություններ ունեցող այդպիսի ԵՄ կառավարությունների հետ համեմատելիս ԵՄ թեկնածու Թուրքիան շատ հեռու է ժողովրդավարության սահմաններից», - եզրափակում է թերթը:
Այս ենթաբաժնի վերջին նորությունները
Դիարբեքիրի փաստաբանական պալատի վարչության անդամը նշել է, որ Թուրքիայում երեխաների աշխատանքը հասարակության մեջ նորմալ է ընկալվում «վարպետ-աշակերտ հարաբերության» քողի ներքո։
Թուրքիայի ՆԳՆ-ի հայտարարության մեջ նշվել է նաև, որ այդ համայնքապետերի նկատմամբ հետաքննություն է իրականացվում «պարտադրանքով կաշառք ստանալու» մեղադրանքով։
Պատճառն այն է, որ Օզգյուր Օզելը «վիրավորական խոսքեր» է հնչեցրել Ստամբուլի գլխավոր դատախազ Աքըն Գյուրլեքի հասցեին:
Ուղիղ խոսք
Անկարայում հարձակում TUSAŞ-ի վրա․ մանրամասներ և վերլուծություն
ամենաշատ ընթերցված
Թերթի խմբագիր Տանձիկյանը ներկայացնում է, թե որը կարող է լինել այս «աշխատանքային այցի» օրակարգը, հատկապես, երբ տարածաշրջանը կրկին պատերազմի մեջ է Իրանի վրա Իսրայելի հարձակման պատճառով:
Նիկոլ Փաշինյանը հանդիպում կունենա տեղի հայ համայնքի ներկայացուցիչների հետ։
Աբբաս Արաղչին Ստամբուլում կմասնակցի «Իսլամական համագործակցություն» կազմակերպության անդամ երկրների արտգործնախարարների խորհդի նիստին:
Թուրքիայի նախագահ Ռեջեփ Թայիփ Էրդողանն և Ադրբեջանի նախագահ Իլհամ Ալիևը մասնակցել են Քահրամանմարաշում «Ադրբեջանական թաղամաս» համալիրի բացմանը Էրդողանը ելույթն ավարտել է քահարամանմարաշցի բան
Թուրքիայի պաշտպանության նախարար Յաշար Գյուլերը մասնակցել է Ադրբեջանի զինված ուժերի օրվա կապակցությամբ Անկարայում կազմակերպված ընդունելությանը։
Օրացույց
Հարցումներ
Այս տարի կբացվի՞ հայ-թուրքական սահմանը 2 երկրների քաղաքացիների համար:
արտարժույթ
| EUR | TRY | USD |
| 549.84 | 90.05 | 485.12 |