Տարածաշրջան10:04, 04 Հոկտեմբեր 2016
Անկարայում «թուրքական Պենտագոն» կկառուցվի
Թուրքիայում հուլիսի 15-ին տեղի ունեցած հեղաշրջման փորձից հետո երկրի իշխանությունները որոշում են կայացրել՝ մեկ վայրում կենտրոնացնելու բոլոր ռազմական ենթակառույցները:
Թուրքական «Habertürk» թերթի կայքի տեղեկացմամբ՝ որպես ռազմական կենտրոնակայան կծառայի Անկարայի Էթիմեսգութ շրջանը, որտեղ արդեն ավարտին է մոտենում Թուրքիայի ազգային հետախուզական ծառայության նոր շենքի շինարարությունը: Հենց այդ շենքի հարակից տարածքն էլ, ըստ որոշման, կվերածվի յուրատեսակ «անվտանգության ճամբարի»:
Այստեղ կտեղափոխվեն Թուրքիայի զինված ուժերի գլխավոր շտաբը, ինչպես նաև՝ ցամաքային, ծովային և հակաօդային ուժերի հրամանատարությունները: Նշյալ կառույցները գտնվում են մեջլիսի հարևանությամբ, ինչի առթիվ պատգամավորները բազմիցս դժգոհություն են արտահայտել: Պատճառն այն է, որ ռազմական կառույցներին պատկանող շինությունները մեջլիսի «շրջափակված լինելու» տպավորություն են ստեղծում:
Ներկայումս մշակված ծրագրի շրջանակներում վերոնշյալ կառույցների համար Էթիմեսգությում նոր շենքեր կկառուցվեն: Նոր ռազմական ճամբար կտեղափոխվի նաև Թուրքիայի ազգային պաշտպանության նախարարությունը:
Իսկ ԶՈՒ գլխավոր շտաբի և տարբեր հրամանատարությունների կողմից ներկայումս օգտագործվող շինությունները կտրամադրվեն ներքին գործերի նախարարությանը կամ տարբեր հասարակական կազմակերպությունների:
Այս ենթաբաժնի վերջին նորությունները
Թուրքիայի արտգործնախարարի կարծիքով, միջազգային համակարգը չի կարողանում լուծել ո՛չ գլոբալ խնդիրները, ո՛չ էլ տարածաշրջանային հակամարտությունները։
Երկրաշարժը տեղի է ունեցել առավոտյան ժամը 8։24-ի սահմաններում:
Հանդիպմանը կողմերն անդրադարձել են նաև տարածաշրջանային հարցերի։
Ուղիղ խոսք
Անկարայում հարձակում TUSAŞ-ի վրա․ մանրամասներ և վերլուծություն
ամենաշատ ընթերցված
Ուղուրջան Բալ. «Չնայած Հայաստանը տարածքով փոքր է, բայց խոր արմատներ ունեցող իր պատմությամբ աշխարհի ամենահին քաղաքակրթություններից մեկն է»։
Ծնելիության բարձր ցուցանիշներ ունեն Իրաքը՝ 3.36 և Սիրիան՝ 2.59։
Կատարում տեղի ունեցած հարձակումից հետո իսրայելցի լրագրողը նման գրառում է արել սոցցանցում։
Թուրքիայի արտգործնախարարի կարծիքով, միջազգային համակարգը չի կարողանում լուծել ո՛չ գլոբալ խնդիրները, ո՛չ էլ տարածաշրջանային հակամարտությունները։
Երկրաշարժը տեղի է ունեցել առավոտյան ժամը 8։24-ի սահմաններում:
Օրացույց
Հարցումներ
Այս տարի կբացվի՞ հայ-թուրքական սահմանը 2 երկրների քաղաքացիների համար:
արտարժույթ
| EUR | TRY | USD |
| 549.84 | 90.05 | 485.12 |