Թուրքիայում բռնի ուժով ընդդիմադիր հեռուստաընկերություններ են փակվում

Տարածաշրջան13:36, 04 Հոկտեմբեր 2016

Թուրքիայում բռնի ուժով ընդդիմադիր հեռուստաընկերություններ են փակվում

Ստամբուլում ոստիկանական գործողություններ են իրականացվել թուրքական «Hayatın Sesi» և «İMC» հեռուստաընկերություններում: Ինչպես հաղորդում է թուրքական «Bursahakimiyet» լրատվական կայքը, ոստիկանները մուտք են գործել «Hayatın Sesi»-ի շենք և դադարեցրել եթերը, ապա՝ կապարակնքել եթերի հեռարձակման սենյակը:

Դրանից հետո ոստիկանական ստորաբաժանումները շարժվել են դեպի «İMC» հեռուստաընկերություն, որը, ըստ թուրքական աղբյուրի, մեղադրվում է Անկարայի կողմից ահաբեկչական ճանաչված «Քուրդիստանի բանվորական կուսակցության» (ՔԲԿ-PKK) լրատվական օրգանը լինելու մեջ: Ի պատասխան դրան՝ «İMC»-ի աշխատողները հեռուստաընկերության ուղղիղ եթերում ընդդիմացել են և փորձել խոչըդոտել ոստիկանության գործողություններին:

«CNNTurk» լրատվական ծառայությունը նշում է, որ «İMC»-ի աշխատակիցները, դիմադրություն ցույց տալով ոստիկաններին, իրենց ձեռքերում պահել են «Ազատ մամուլը չի կարող լռել», «Մի լռիր, ճչա, ազատ մամուլը իրավունք է» գրություններով պաստառներ: Ի վերջո, ոստիկանության ճնշման ներքո հեռուստալիքի հեռարձակումը դադարեցվել է:

Աղբյուրը նշում է, որ նշյալ գործողությունններն իրականացվել են Թուրքիայում ռազմական հեղաշրջման փորձից հետո երկրում հայտարարված արտակարգ դրության շրջանակներում:

Հիշեցնենք, որ IMC հեռուստաընկերությունը նախկինում մի քանի անգամ մեղադրվել էր քրդանպաստ քարոզչության իրականացնելու մեջ:

Աղբյուր` Ermenihaber.am

Այս ենթաբաժնի վերջին նորությունները

13:45, 29 ապր

Բացվել է Թուրքիայի 2-րդ ամենամեծ օդանավակայանը

Անթալիայի օդանավակայանը կարող է տարեկան սպասարկել շուրջ 82 մլն ուղևորի։

13:30, 28 ապր

Անկարան քուրդ զինյալներին սպառնում է ռազմական գործողություններով

Ֆիդան․«Ինչպես «Իսլամական պետություն» ահաբեկչական կազմակերպությունըդուրս եկավ ասպարեզից, այնպես էլ PKK-ն դուրս կգա: Կա՛մ իր կամքով՝ խաղաղության մեջ, կա՛մ այլ կերպ»։