Տնտեսական08:40, 03 Հոկտեմբեր 2016
Այս տարի Անթալիա այցելող զբոսաշրջիկների թիվը 46.9 տոկոսով նվազել է
Թուրքիայի զբոսաշրջային մայրաքաղաքը համարվող Անթալիայում 2016թ. ընթացքում գրանցվել է ավիաուղիներով ժամանող զբոսաշրջիկների թվի 46.9 տոկոս անկում: Թուրքական «Hürriyet» թերթի կայքի տեղեկացմամբ՝ 2016թ. հունվարի 1-ից մինչև սեպտեմբերի 30-ը Անթալիա է այցելել 4.650.238 զբոսաշրջիկ: Այս ցուցանիշը նախորդ տարվա համամատ նվազել է 4.104.685-ով:
Անթալիայի օդանավակայանի արձանագրած վիճակագրության համաձայն՝ այս տարի Ռուսաստանից և Եվրոպայից այցելող զբոսաշրջիկների թվի ռեկորդային անկում է գրանցվել: Ռուսաստանցի զբոսաշրջիկների թիվը նվազել է 92.9 տոկոսով: Եթե 2015թ. Ռուսաստանից Անթալիա էր ժամանել 2.451.993 զբոսաշրջիկ, ապա այս տարի այդ ցուցանիշը կազմել է ընդամենը 173.513:
Մեծ անկում է գրանցվել նաև Գերմանիայից Անթալիա ժամանող զբոսաշրջիկների թվում: Այսպես, եթե 2015թ. առաջին 9 ամիսների ընթացքում Անթալիա էր ժամանել 2.535.061 գերմանացի, ապա այս տարի նույն ժամանակահատվածում Գերմանիայից Անթալիա այցելող զբոսաշրջիկների թիվը նվազել է 39.8 տոկոսով՝ կազմելով 1.778.935:
Բացի Ռուսաստանից և Գերմանիայից՝ 2016թ. մեծ անկում է գրանցվել նաև մի շարք այլ երկրներից Անթալիա ժամանող զբոսաշրջիկների թվում. Շվեդիա (56.3 տոկոս անկում), Լեհաստան (611.8 տոկոս), Ավստրիա (56.8 տոկոս), Հոլանդիա (31.7 տոկոս), Շվեյցարիա (46.7 տոկոս), Բելգիա (47 տոկոս), Անգլիա (23.3 տոկոս), Ղազախստան (42.7 տոկոս) :
Միայն Ուկրաինայի դեպքում 100 տոկոս առաջընթաց է գրանցվել: Եթե 2015թ. Ուկրաինայից Անթալիա էր ժամանել 248.444 զբոսաշրջիկ, ապա 2016թ. այս ցուցանիշը կազմել է 504.390: Այս տարվա ընթացքում որոշակորեն մեծացել է Ադրբեջանից, Հորդանանից, Իսրայելից, Լիբանանից, Կիպոսի թուրքական մասից, Ալբանիայից, Լիտվայից, Քուվեյթից, Թունիսից Անթալիա եկող զբոսաշրջիկների հոսքը:
Այս ենթաբաժնի վերջին նորությունները
Կարսում կազմակերպված «Սահմանակից նահանգների տնտեսական ֆորում»-ին ներկա է գտնվել նաև Թուրքիայում Ադրբեջանի դեսպան Ռաշադ Մամեդովը։
Թուրքիայի Էներգետիկայի և բնական պաշարների նախարարն արձագանքել է իրանական գազի ներկրման մասին մտահոգիչ խոսակցություններին։
Իրանի և Իսրայելի ֆոնդային բորսաներում ևս զգալի անկում է նկատվում։
Ուղիղ խոսք
Անկարայում հարձակում TUSAŞ-ի վրա․ մանրամասներ և վերլուծություն
ամենաշատ ընթերցված
Թերթի խմբագիր Տանձիկյանը ներկայացնում է, թե որը կարող է լինել այս «աշխատանքային այցի» օրակարգը, հատկապես, երբ տարածաշրջանը կրկին պատերազմի մեջ է Իրանի վրա Իսրայելի հարձակման պատճառով:
Նիկոլ Փաշինյանը հանդիպում կունենա տեղի հայ համայնքի ներկայացուցիչների հետ։
Աբբաս Արաղչին Ստամբուլում կմասնակցի «Իսլամական համագործակցություն» կազմակերպության անդամ երկրների արտգործնախարարների խորհդի նիստին:
Թուրքիայի պաշտպանության նախարար Յաշար Գյուլերը մասնակցել է Ադրբեջանի զինված ուժերի օրվա կապակցությամբ Անկարայում կազմակերպված ընդունելությանը։
Թուրքիայի նախագահ Ռեջեփ Թայիփ Էրդողանն և Ադրբեջանի նախագահ Իլհամ Ալիևը մասնակցել են Քահրամանմարաշում «Ադրբեջանական թաղամաս» համալիրի բացմանը Էրդողանը ելույթն ավարտել է քահարամանմարաշցի բան
Օրացույց
Հարցումներ
Այս տարի կբացվի՞ հայ-թուրքական սահմանը 2 երկրների քաղաքացիների համար:
արտարժույթ
| EUR | TRY | USD |
| 549.84 | 90.05 | 485.12 |