Թուրքիայի վարչապետ. «Չկա քրդական հարց, կա PKK-ի հարց»

Տարածաշրջան12:30, 03 Հոկտեմբեր 2016

Թուրքիայի վարչապետ. «Չկա քրդական հարց, կա PKK-ի հարց»

Թուրքիայի վարչապետ Բինալի Յըլդըրըմը հանդիպել է «Թուրքիայի առևտրականների և արհեստագործների համադաշնության» (TESK) ներկայացուցիչների հետ, որի ժամանակ խոսել է քրդական հարցի մասին:

Ըստ թուրքական «Haber.sol» լրատվական կայքի` Յըլդըրըմը նշել է, որ այժմ Թուրքիայում գոյություն ունի ոչ թե քրդական հարց, այլ «Քուրդիստանի բանվոկան կուսակցության» (ՔԲԿ-PKK) հարց, որին պաշտոնական Անկարան համարում է ահաբեկչական կազմակերպություն:

Թուրքիայի վարչապետի խոսքերով՝ թուրք-քրդական բախումները ցանկացած տեսանկյունից վատ են անդրադառնում երկրի վրա: Դրանցից մասնավորապես տուժում են բիզնես միջավայրը, Թուրքիայում իրականացվող ներդրումները:

Նա հիշեցրել է, որ վերջերս Թուրքիայի Շըրնաք և Վան նահանգների միջև ճանապարհի շինարարության ժամանակ քուրդ զինյալները հարձակվել էին անվտանգության ուժերի վրա: Դրա հետևանքով սպանվել էր 6 անվտանգության աշխատակից:

Աղբյուր` Ermenihaber.am

Այս ենթաբաժնի վերջին նորությունները

13:45, 29 ապր

Բացվել է Թուրքիայի 2-րդ ամենամեծ օդանավակայանը

Անթալիայի օդանավակայանը կարող է տարեկան սպասարկել շուրջ 82 մլն ուղևորի։

13:30, 28 ապր

Անկարան քուրդ զինյալներին սպառնում է ռազմական գործողություններով

Ֆիդան․«Ինչպես «Իսլամական պետություն» ահաբեկչական կազմակերպությունըդուրս եկավ ասպարեզից, այնպես էլ PKK-ն դուրս կգա: Կա՛մ իր կամքով՝ խաղաղության մեջ, կա՛մ այլ կերպ»։