Թուրքիայում հեղաշրջման փորձից հետո 32.000 մարդ է ձերբակալվել

Իրավական10:00, 28 Սեպտեմբեր 2016

Թուրքիայում հեղաշրջման փորձից հետո 32.000 մարդ է ձերբակալվել

Թուրքիայի արդարադատության նախարար Բեքիր Բոզդաղը հայտարարել է, որ հուլիսի 15-ին երկրում տեղի ունեցած հեղաշրջման փորձից հետո գյուլենականների դեմ սկսված հետաքննության շրջանակներում 32.000 մարդ է ձերբակալվել, ևս 70.000-ի նկատմամբ իրավական գործընթաց է տեղի ունենում:

Ըստ թուրքական «Sondakika.com» լրատվական կայքի` Բոզդաղն անդրադարձել է թուրքական իշխանությունների կողմից հեղաշրջման փորձը նախաձեռնելու մեջ մեղադրվող իսլամական քարոզիչ, գյուլենական շարժման առաջնորդ ամերիակաբնակ Ֆեթուլլահ Գյուլենի արտահանձման խնդրին: Բոզդաղը հիշեցրել է, որ իրենք դիմել են ԱՄՆ-ի իշխանություններին Գյուլենին ժամանակավորապես ձերբակալելու խնդրանքով նշելով, որ այդ հարցում ԱՄՆ-ի որոշումը հայտնի կդառնա առաջիկա 1-2 օրվա ընթացքում:

Թուրք նախարարը նշել է, որ առայժմ վերջնական որոշում չի կայացվել նաև 32.000 հազար կասկածյալների դատավարության անցկացման կարգի վերաբերյալ, քանի, որ Անկարայում այդչափ բազմամարդ մեղադրյալների մասնակցությամբ դատավարություններ կազմակերպելու համար չկան համապատասխան շենքեր: Բոզդախի խոսքով ամենայն հավանականությամբ դատավարությունները կանցկացվեն Թուրքիայի բոլոր նահանգներում:

Աղբյուր` Ermenihaber.am

Այս ենթաբաժնի վերջին նորությունները

11:50, 11 սեպ

Թուրքիայում 10 խոշոր ձեռնարկատեր կձերբակալվի

Նրանց թվում են «Can Holding»-ի ղեկավարները, որոնք մեղադրվում են «հանցավոր կազմակերպություն ստեղծելու», «մաքսանենգության», «խարդախության» և «փողերի լվացման» մեջ։