Մարդինում վերականգնվել է նախկինում ապամոնտաժված հայերեն գրությունը

Հասարակական07:56, 16 Սեպտեմբեր 2016

Մարդինում վերականգնվել է նախկինում ապամոնտաժված հայերեն գրությունը

Թուրքիայի Մարդին նահանգի Դերիքի շրջանում քաղաքապետարանի շենքի վրայից նախկինում հեռացված հայերեն գրությունը կրկին վերականգնվել է:

Թուրքական «Hurriyet»-ի տեղեկացմամբ՝ Դերիքում պետության կողմից նշանակված հոգաբարձուն օրեր առաջ ապամոնտաժել էր տվել քաղաքապետարանի շենքի ճակատային մասում գտնվող եռալեզու «Տէրիքի քաղաքապետարան» գրությունը: Նախկինում նաև հայերեն տարբերակը պարունակող ցուցատախտակը փոխարինվել էր միայն թուրքերեն և քրդերեն գրությամբ:

Իսկ սեպտեմբերի 14-ի երեկոյան ոստիկանության ուժերի հատուկ հսկողության պայմաններում երկլեզու ցուցատախտակը կրկին ապամոնտաժվել է: Ժամը 23-ի սահմաններում ոստիկանները վերականգնել են եռալեզու գրությունը և հրշեջ մեքենաների օգնությամբ տեղադրել այն քաղաքապետարանի շենքին:

Աղբյուր` Ermenihaber.am

Այս ենթաբաժնի վերջին նորությունները

17:38, 08 մայ

Թուրքիայում սոցցանցի ավելի քան 27.000 հաշիվ է արգելափակվել․

Արգելափակումների հիմնական պատճառները եղել են հասարակական կարգը խախտող, ահաբեկչություն քարոզող կամ տարածող, ինչպես նաև ատելության խոսք պարունակող գրառումները։