Թոնդրակ լեռան շրջանում բախումներ են տեղի ունեցել քրդերի և թուրք իրավապահների միջև

Տարածաշրջան07:46, 16 Սեպտեմբեր 2016

Թոնդրակ լեռան շրջանում բախումներ են տեղի ունեցել քրդերի և թուրք իրավապահների միջև

Թուրքիայի Աղըր (Արարատ) նահանգի Դողուբայազըթ գավառում գտնվող Թոնդրակ լեռան շրջանում զինված բախումներ են տեղի ունեցել «Քուրդիստանի բանվորական կուսակցության» (PKK-ՔԲԿ) գրոհայինների և տարածքում հերթապահություն իրականացնող անվտանգության աշխատակիցների միջև:

Թուրքական «Doğu» լրատվական գործակալության տեղեկացմամբ՝ քուրդ զինյալները հարձակվելիս կիրառել են հեռահար խոցելիությամբ զենքեր, ականանետեր: Թուրք զինվորներն արագորեն արձագանքել են՝ գործի դնելով հրետանին, կոբրա տեսակի ուղղաթիռները, ինչպես նաև տարածք են բերվել ցամաքային հատուկ գործողություններ իրականացնող ջոկատներ:

Նշվում է, որ բախումների հետևանքով զոհվել է պահակազորի 8 ծառայակից և 2 զինվոր: Եվս 4 զինվոր և 2 քաղաքացիական անձ վիրավորվել է:

Հիշեցնենք, որ Թոնդրակ լեռան շրջանում վերջին անգամ թեժ մարտեր էին ծավալվել այս տարվա սեպտեմբերի 2-ին, որից հետո 3 օր տևած գործողությունների հետևանքով 12 անվտանգության ծառայակից զոհվել էր, 18-ը՝ վիրավորվել, քրդական կողմը 13 զոհ էր տվել:

Աղբյուր` Ermenihaber.am

Այս ենթաբաժնի վերջին նորությունները

13:45, 29 ապր

Բացվել է Թուրքիայի 2-րդ ամենամեծ օդանավակայանը

Անթալիայի օդանավակայանը կարող է տարեկան սպասարկել շուրջ 82 մլն ուղևորի։

13:30, 28 ապր

Անկարան քուրդ զինյալներին սպառնում է ռազմական գործողություններով

Ֆիդան․«Ինչպես «Իսլամական պետություն» ահաբեկչական կազմակերպությունըդուրս եկավ ասպարեզից, այնպես էլ PKK-ն դուրս կգա: Կա՛մ իր կամքով՝ խաղաղության մեջ, կա՛մ այլ կերպ»։