Թուրքիայում փակվել են Գերմանիայի և Մեծ Բրիտանիայի դեսպանատները

Տարածաշրջան09:25, 16 Սեպտեմբեր 2016

Թուրքիայում փակվել են Գերմանիայի և Մեծ Բրիտանիայի դեսպանատները

Թուրքիայում փակվել են Գերմանիայի և Մեծ Բրիտանիայի դեսպանատները: Այս մասին տեղեկացնում է թուրքական իշխանամետ «Sabah» թերթի կայքը՝ հղում անելով Թուրքիայի ներքին գործերի նախարարության հայտարարությանը:

Ըստ այդ հայտարարության՝ դեսպանատները փակվել են անվտանգության նկատառումներից ելնելով, քանի որ հետախուզական տվյալներ էին ստացվել, որ «Իսլամական պետություն» (ԻՊ) ահաբեկչական կազմակերպությունը սեպտեմբերի 13-17-ը հնարավոր է հարձակում գործի այդ դեսպանատների վրա:

Ներքին գործերի նախարարությունը տեղեկացրել է, որ ստացված տեղեկությունների հիմք ընդունելով, համագործակցել է Գերմանիայի և Մեծ Բրիտանիայի համապատասխան ծառայությունների հետ: Իրականացված միջոցառումների արդյունքում Քուրբան բայրամից առաջ Անկարայում ձերբակալվել է 3, Ստամբուլում 1 մարդ: Սակայն որևէ ակնհայտ փաստ, որ կասկածյալները կապ ունեն ահաբեկչական կազմակերպության հետ դեռևս չի հայտնաբերվել:

Թուրքիայում Մեծ Բրիտանիայի դեսպան Ռիչարդ Մուրը, «Twitter»-ի մկրաբլոգում անդրադառնալով թեմային, նշել է, որ ստեղծված իրավիճակում դեսպանատունը փակելը ողջամիտ է: «Թուրքական իշխանությունները սպառնալիքի դեմ համապատասխան միջոցառումներ են իրականացնում: Նրանց շատ ենք վստահում: Ցուցաբերած ջանքերի համար շնորհակալություն եմ հայնտում, սակայն նման իրավիճակում ողջամիտ է դեսպանատունը փակել»:

Աղբյուր` Ermenihaber.am

Այս ենթաբաժնի վերջին նորությունները

13:45, 29 ապր

Բացվել է Թուրքիայի 2-րդ ամենամեծ օդանավակայանը

Անթալիայի օդանավակայանը կարող է տարեկան սպասարկել շուրջ 82 մլն ուղևորի։

13:30, 28 ապր

Անկարան քուրդ զինյալներին սպառնում է ռազմական գործողություններով

Ֆիդան․«Ինչպես «Իսլամական պետություն» ահաբեկչական կազմակերպությունըդուրս եկավ ասպարեզից, այնպես էլ PKK-ն դուրս կգա: Կա՛մ իր կամքով՝ խաղաղության մեջ, կա՛մ այլ կերպ»։