Պոլսահայ լրագրող Հայկո Բաղդատը՝ Անկարայի քաղաքապետին. «Փողերս հետ տուր, հաշտվենք»

Հասարակական10:50, 13 Սեպտեմբեր 2016

Պոլսահայ լրագրող Հայկո Բաղդատը՝ Անկարայի քաղաքապետին. «Փողերս հետ տուր, հաշտվենք»

Պոլսահայ լրագրող Հայկո Բաղդատը Անկարայի քաղաքապետ Մելիհ Գյոքչեքին ուղղված ուշագրավ կոչ է արել: Թուրքական ընդդիամադիր «T24» լրատվակայքի փոխանցմամբ՝Թուրքիայում սեպտեմբերի 12-ին սկսված Քուրբան բայրամի (զոհաբերության տոն) շրջանակներում Բաղդատը հաշտության առաջարկ է արել Գյոքչեքին:

Պոլսահայ լրագրողը Twitter-ի իր միկրոբլոգում հետևյալ գրառումն է կատարել. «Մելիհ Գյոքչեք, բոլոր նրանք, ովքեր միմյանց հետ կռված են, տոների առթիվ հաշտվել են: Փողերս հետ տուր, հաշտվենք»:

Հիշեցնենք, որ ամիսներ առաջ Անկարայի քաղաքապետ Մելիհ Գյոքչեքը հայց էր ներկայացրել Հայկո Բաղդատի դեմ՝ իր մի գրառման մեջ Գյոքչեքին «հայ» և «նողկալի մարդ» անվանելու պատճառով: Դատարանը հայցը ընդունել էր միայն մասամբ և Հայկո Բաղդատին պարտադրել 2500 լիրա փոխհատուցում վճարել՝ թուրք պաշտոնյաին «նողկալի մարդ» անվանելու համար:

Աղբյուր` Ermenihaber.am

Այս ենթաբաժնի վերջին նորությունները

17:38, 08 մայ

Թուրքիայում սոցցանցի ավելի քան 27.000 հաշիվ է արգելափակվել․

Արգելափակումների հիմնական պատճառները եղել են հասարակական կարգը խախտող, ահաբեկչություն քարոզող կամ տարածող, ինչպես նաև ատելության խոսք պարունակող գրառումները։