Վանում հուժկու պայթյուն է որոտացել (տեսանյութ)

Տարածաշրջան08:50, 12 Սեպտեմբեր 2016

Վանում հուժկու պայթյուն է որոտացել (տեսանյութ)

Վան քաղաքի կենտրոնական Բեշյոլ շրջանում հզոր պայթյուն է տեղի ունեցել: Թուրքական «Doğan» լրատվական գործակալության տեղեկացմամբ՝ պայթյունը որոտացել է նահանգապետարանից 200մ հեռավորության վրա՝ Թուրքիայի իշխող «Արդարություն և զարգացում» կուսակցության (ԱԶԿ-AKP) նահանգային ենթակառույցին պատկանող շենքի հարակից տարածքում: Աղբյուրի համաձայն՝ պայթյունի կազմակերպիչները «Քուրդիստանի բանվորական կուսակցության» (ՔԲԿ-PKK) զինյալներն են:

Տարբեր աղբյուրների համաձայն՝ պայթյունի հետևանքով կա շուրջ 13 վիրավոր: Դեպքի վայր են մեկնել մեծ թվով շտապօգնության մեքենաներ: Պայթյունի տարածքում շենքերի ապակիները կոտրվել են, իսկ շատ մոտ գտնվող շենքերն ավելի լուրջ վնասներ են կրել:

«Doğan»-ի թղթակից Ֆեյաթ Էրդեմիրի հաղորդած տեղեկության համաձայն՝ դեպքի վայրում պայթուցիկ նյութերով բեռնված մեքենա է պայթեցվել:

ԱԶԿ-ի Վանի պատգամավոր Բուրհան Քայաթյուրքը հայտնել է, որ այս հարձակումը ուղղված է եղել ԱԶԿ-ի նահանգային կառույցի դեմ:

Տ ե ս ա ն յ ու թ

Աղբյուր` Ermenihaber.am

Այս ենթաբաժնի վերջին նորությունները

13:45, 29 ապր

Բացվել է Թուրքիայի 2-րդ ամենամեծ օդանավակայանը

Անթալիայի օդանավակայանը կարող է տարեկան սպասարկել շուրջ 82 մլն ուղևորի։

13:30, 28 ապր

Անկարան քուրդ զինյալներին սպառնում է ռազմական գործողություններով

Ֆիդան․«Ինչպես «Իսլամական պետություն» ահաբեկչական կազմակերպությունըդուրս եկավ ասպարեզից, այնպես էլ PKK-ն դուրս կգա: Կա՛մ իր կամքով՝ խաղաղության մեջ, կա՛մ այլ կերպ»։