Մշակութային07:55, 12 Սեպտեմբեր 2016
Ամերիկահայ ուդի վարպետ Արա Դինքչյանը Նյու Յորքի «İstanbulive» փառատոնի հյուրն է
Հոկտեմբերի 9-ին Նյու Յորքում կկայանա «İstanbulive» երաժշտական փառատոնը, որը կազմակերպվում է արդեն յոթերորդ անգամ: Այս տարի Թուրքիայի մշակութային հիմնադրամի կողմից կազմակերպված փառատոնին կմասնակցեն «Taksim» տրիոն, հայտնի թուրք դաշնակահար Թուլուգ Թիրփան և երգչուհի Զառան: Փառատոնի հատուկ հյուրերն են ամերիկահայ անվանի երաժիշտ, երգահան, ուդի վարպետ Արա Դինքչյանը և հույն երաժիշտ Ռեբեթ Ասքերը:
Ո՞վ է Արա Դինքչյանը
Արա Դինքչյանը ծնվել է 1958թ. ԱՄՆ Նյու Ջերսի նահանգում՝ արմատներով դիարբեքիրից է: Հայրը՝ Օնիկ Դինքչյանը, հայտնի է եղել որպես եկեղեցական երգչախմբի մեներգիչ և ժողովրդական երաժշտության վարպետ:
Արա Դինքչյանն առաջին անգամ բեմ է բարձրացել 5 տարեկան հասակում՝ 1964թ. Նյու Յորքում կազմակերպված համաշխարհային տոնավաճառի ժամանակ՝ ներկայանալով հարվածային գործիքներով:
Մեկ այլ անվանի ամերիկահայ երաժիշտ Արտո Թունջբոյաջյանի հետ 1986թ. հիմնել է «Night Ark» էթնո-ջազային խումբը:
Արա Դինքչյանը իր մտերիմ ընկեր, կոմպոզիտոր, գործիքավորող Օննո Թունջի Հովհաննես Թունջբոյաջյան) միջոցով առնչվել և համագործակցել է մի շարք թուրք երաժիշտների հետ: Մասնավորապես հայտնի են թուրք երգչուհի Սեզան Աքսուի «Dinata», «Vazgeçtim» և Ահմեթ Քայայի «Ağladıkça» երգերը, որոնց հեղինակը Արա Դինքչյանն է:
Այս ենթաբաժնի վերջին նորությունները
Սերիալը կհեռարձակվի «Լույս TV»-ի եթերում՝ հայերեն հնչողությամբ և թուրքերեն ենթագրով։
Եկեղեցուն զուգահեռ վերանորոգվելու է հարակից տարածքում գտնվող և նախկինում ÇEK-ի կողմից շահագործված շենքը, որը ևս մշակութային կենտրոնի մի մասն է կազմելու:
Նշվում է, որ Ուրֆայում գտնվող հայկական եկեղեցու մի մասը փլուզվել է երկրաշարժի հետևանքով, իսկ մյուս մասը՝ վերածվել մզկիթի։
Ուղիղ խոսք
Անկարայում հարձակում TUSAŞ-ի վրա․ մանրամասներ և վերլուծություն
ամենաշատ ընթերցված
Հրապարակվել է հոդված Հայաստանի տեխնոլոգիական ոլորտի զարգացման մասին։
Ermenihaber.am-ը զրուցել է Արցախի անկման մասին պատմող «Վիրավոր արծիվը» վավերագրության հեղինակ Դեմիր Սյոնմեզի հետ։
Հիշեցնենք, որ վերջին շրջանում Թուրքիայի և Պակիստանի ռազմական համագործակցության խորացման մասին բազմատեսակ տեղեկություններ են շրջանառվում:
Մի քանի րոպե անց մայրը նկատել է կատարվածը և դուրս է բերել նրան աղբարկղից:
Կա՞ արդյոք երաշխիք, որ հայկական կողմի հետ հարաբերությունները կարգավորելուց հետո մի օր թուրքը կրկին «թուրը չպիտի սրի»:
Օրացույց
Հարցումներ
Այս տարի կբացվի՞ հայ-թուրքական սահմանը 2 երկրների քաղաքացիների համար:
արտարժույթ
| EUR | TRY | USD |
| 549.84 | 90.05 | 485.12 |