ԻՊ-ն Սիրիայում թուրքական տանկ է խոցել

Տարածաշրջան09:37, 10 Սեպտեմբեր 2016

ԻՊ-ն Սիրիայում թուրքական տանկ է խոցել

Սեպտեմբերի 9-ի առավոտյան «Իսլամական պետություն» ահաբեկչական կազմակերպությունը (ԻՊ) Սիրիայի հյուսիսային Թալ Ալ շրջանում խոցել է Թուրքիայի զինված ուժերին պատկանող 1 մարտական տանկ: Ինչպես տեղեկացնում է թուրքական «Enaktifhaber» լրատվական կայքը, տանկի 3 հոգանոց անձնակազմը զոհվել է, 1 զինվոր՝ վիրավորվել։

Աղբյուրի տեղեկացմամբ՝ թուրքական տանկը խոցվել է ԻՊ-ի և «Սիրիայի Ազատ բանակ» (Սիրիայի ընդդիմադիր ուժեր-խմբ․) խմբավորման միջև տեղի ունեցած բախումների ժամանակ։

Նշենք, որ թուրքական կողմը Սիրիայի տարածքում իրականացնում է «Եփրատի վահան» գործողությունը, որի շրջանակներում աջակցում է «Սիրիայի Ազատ բանակին»:

Ըստ այղբյուրի տվյալների՝ մինչ այժմ «Եփրատի վահան» գործողության ընթացքում զոհվել է 7 թուրք զինվոր:

Հիշեցնենք, որ օգոստոսի 24-ից թուրքական ԶՈՒ կողմից Սիրիայի տարածքում սկսած «Եփրատի վահան» գործողության ընթացքում վերոնշյալից զատ, ևս մի քանի թուրքական տանկեր էին խոցվել: Մասնավորապես օգոստոսի 31-ին ԻՊ-ն ոչնչացրել էր 1, իսկ սեպտեմբերի 6-ին ևս 2 տանկ, որի հետևանքով զոհվել էր 3 զինվոր, ևս 4-ը՝ վիրավորվել:

Աղբյուր` Ermenihaber.am

Այս ենթաբաժնի վերջին նորությունները

13:45, 29 ապր

Բացվել է Թուրքիայի 2-րդ ամենամեծ օդանավակայանը

Անթալիայի օդանավակայանը կարող է տարեկան սպասարկել շուրջ 82 մլն ուղևորի։

13:30, 28 ապր

Անկարան քուրդ զինյալներին սպառնում է ռազմական գործողություններով

Ֆիդան․«Ինչպես «Իսլամական պետություն» ահաբեկչական կազմակերպությունըդուրս եկավ ասպարեզից, այնպես էլ PKK-ն դուրս կգա: Կա՛մ իր կամքով՝ խաղաղության մեջ, կա՛մ այլ կերպ»։