Սոցհարցում. Թուրքիայում Էրդողանի վարկանիշը բարձրացել է

Հասարակական08:25, 05 Սեպտեմբեր 2016

Սոցհարցում. Թուրքիայում Էրդողանի վարկանիշը բարձրացել է

Թուրքիայում գործող «MAK» խորհդատվական կենտրոնը սոցհարցում է անցկացրել` պարզելու բնակչության դիրքորոշումը ներքաղաքական գործընթացների վերաբերյալ: Հարցումը կատարվել է Թուրքիայի տարբեր շրջաններում, մասնակցել է 2700 քաղաքացի: Հարցվածների մեծամասնությունը ասել է, որ հնարավոր նախագահական ընտրություններում պատրաստ է քվեարկել գործող նախագահ Ռեջեփ Թայիփ Էրդողանի, իսկ խորհրդարանական ընտրություններում՝ իշխող «Արդարություն և զարգացում կուսակցության» (AKP-ԱԶԿ) օգտին: Այս մասին հայտնում է թուրքական իշխանամետ «Sabah» պարբերականի կայքը՝ ներկայացնելով սոցհարցման արդյունքները:

Հարցման արդյունքում պարզվել է, որ Էրդողանի՝ 71.15% կազմող ընտրազանգվածը ձևավորվել է ոչ միայն ԱԶԿ-ի, այլ նաև գլխավոր ընդդիմադիր «Ժողովրդահանրապետկան» (CHP-ԺՀԿ), «Ազգայնական շարժում» (MHP-ԱՇԿ) և քրդամետ «Ժողովուրդների դեմոկրատական» (HDP-ԺԴԿ) կուսակցությունների ընտրողների հաշվին: Ըստ սոցհարցման արդյունքների՝ Էրդողանի օգտին պատրաստ է քվեարկել իշխող ԱԶԿ-ի ընտրազանգվածի մեծամասնությունը, ԱՇԿ-ի, ԺՀԿ-ի և ԺԴԿ-ի ընտրազանգվածի համապատասխանաբար՝ 82%, 34% և 36%-ը:

Նշվում է, որ այս արդյունքն «արտացոլում է հուլիսի 15-ի ռազմական հեղաշրջման փորձից հետո առաջացած ազգային միասնության ոգին»:

Խորհրդարանական ընտրությունների անցկացման դեպքում հարցվածների 53.55%-ը նշել է, որ կնախընտրի ԱԶԿ-ին, ԺՀԿ-ի օգտին պատրաստ է քվեարկել 22.25%-ը, ԱՇԿ-ի ընտրազանգվածը կազմել է 14.7%, իսկ քրդամետ կուսակցությանն ընտրողների թիվը նվազել է մինչև 7.5 %, ինչը ընտրական շեմից ցածր ցուցանիշ է:

Աղբյուր` Ermenihaber.am

Այս ենթաբաժնի վերջին նորությունները

17:38, 08 մայ

Թուրքիայում սոցցանցի ավելի քան 27.000 հաշիվ է արգելափակվել․

Արգելափակումների հիմնական պատճառները եղել են հասարակական կարգը խախտող, ահաբեկչություն քարոզող կամ տարածող, ինչպես նաև ատելության խոսք պարունակող գրառումները։