Թուրքիան ավիահարվածներ է հասցրել ՔԲԿ-ի և ԻՊ-ի դիրքերին

Տարածաշրջան09:23, 31 Օգոստոս 2016

Թուրքիան ավիահարվածներ է հասցրել ՔԲԿ-ի և ԻՊ-ի դիրքերին

Երեկ` օգոստոսի 30-ին Թուրքիայի օդուժի կողմից 2 տարբեր օպերացիա է իրականացվել, առաջինը՝ «Քուրդիստանի բանվորական կուսակցության» զինյալների դիրքերի, երկրորդը` «Իսլամական պետություն» (ԻՊ) ահաբեկչական կազմակերպության դիրքերի վրա:

Ըստ թուրքական «Sondakika.com» լրատվական կայքի` սիրիական Ջարաբլուսում թուրքական տանկի խոցումից հետո իրականացված օպերացիաներից առաջինն իրականացվել է Թուրքիայի Հաքքարի նահանգի Չուքուրջա շրջանում: Ըստ թուրքական զինված ուժերի հայտարարության` գործողության շրջանակներում Չուքուրջայի լեռնային հատվածներում ոչնչացվել է PKK-ի 10 թիրախ:

Մյուս ավիագործողությունը կատարվել է Սիրիայի տարածքում` Ջարաբլուսից ոչ հեռու գտնվող Քուլլիյահ շրջանում: Գործողությունն իրականացվել է Թուրքիայի կողմից Սիրիայի հյուսիսային Ջերաբլուս քաղաքում ԻՊ զինյալների դեմ իրականացվող «Եփրատի Վահան» գործողության շրջանակներում: Այդ դեպքում էլ Թուրքիայի ԶՈՒ-ի տեղեկացմամբ ոչնչացվել է «ԻՊ-ին և այլ ահաբեկչական կազմակերպություններին» պատկանող թիրախներ:

Հաշվի առնելով, որ Թուրքիան Սիրիայի քրդերի զինված ուժերը հանդիսացող «Ժողովրդի ինքնապաշտպանության ուժերին» (YPG) ևս դիտարկում է որպես ահաբեկչական կազմակերպություն՝ հայտարարությունից պետք է եզրակացնել, որ օդային հարվածներ հասցվել են նաև YPG-ի ստորաբաժանումներին, որոնք այժմ իրենց հսկողության տակ են պահում Ջարաբլուսից ոչ հեռու գտնվող Մանբիջ քաղաքը (խմբ.):

Աղբյուր` Ermenihaber.am

Այս ենթաբաժնի վերջին նորությունները

13:45, 29 ապր

Բացվել է Թուրքիայի 2-րդ ամենամեծ օդանավակայանը

Անթալիայի օդանավակայանը կարող է տարեկան սպասարկել շուրջ 82 մլն ուղևորի։

13:30, 28 ապր

Անկարան քուրդ զինյալներին սպառնում է ռազմական գործողություններով

Ֆիդան․«Ինչպես «Իսլամական պետություն» ահաբեկչական կազմակերպությունըդուրս եկավ ասպարեզից, այնպես էլ PKK-ն դուրս կգա: Կա՛մ իր կամքով՝ խաղաղության մեջ, կա՛մ այլ կերպ»։