Էրդողանը և Օբաման կհանդիպեն Չինաստանում

Տարածաշրջան07:56, 30 Օգոստոս 2016

Էրդողանը և Օբաման կհանդիպեն Չինաստանում

Սպիտակ տան Ազգային անվտանգության հարցերով խորհրդականի օգնական Բեն Ռոդսը հայտարարել է, որ Չինաստանում սեպտեմբերի 4-ին տեղի ունենալիք մեծ քսանյակի գագաթնաժողովի շրջանակներում ԱՄՆ-ի նախագահ Բարաք Օբաման և Թուրքիայի նախագահ Ռեջեփ Թայիփ էրդողանը երկկողմ հանդիպում կունենան:

Ըստ «Haberturk»-ի՝ նախագահները հանդիպման ժամանակ անդրադառնալու են Թուրքիայում հուլիսի 15-ին տեղի ունեցած ձախողված հեղաշրջմանը, «Իսլամական պետություն» (ԻՊ) ահաբեկչական կազմակերպությանը, փախստականներին, ինչպես նաև սիրիական ճգնաժամին:

Լրագրողների հարցերին պատասխանելիս ԱՄՆ նախագահականի անվտանգության հարցերով խորհրդականը անդրդարձել է Թուրքիայի զինված ուժերի կողմից Սիրիայի Ջերաբլուս քաղաքում իրականացվող «Եփրատի վահան» անունը կրող օպերացիային: Ռոդսը նշել է, որ իրենք աջակցում են քաղաքը ԻՊ-ի զինյալներից մաքրելու գործողություններին: Միևնույն ժամանակ ԱՄՆ-ն դեմ է, որ եթե նշյալ օպերացիան ընդարձակվի դեպի նշյալ տարածքի հարավային հատվածներ, ինչը բախումներ կառաջացնի «Սիրիայի դեմոկրատական ուժեր» միության հետ, որոնց ԱՄՆ համարում է իր դաշնակիցը:

Ռոդսը զգուշացրել է, որ եթե բախումներ լինեն «Սիրիայի դեմոկրատական ուժեր» միության հետ, ապա դա կթուլացնի այն ընդհանուր ճակատը, որը գործում է ԻՊ- դեմ:

Հիշեցնենք, որ Թուրքիայի բանակի ստորաբաժանումներն օգոստոսի 24-ի առավոտյան ժամը 5-ի սահմաններում լայնամասշտաբ գործողություն էին սկսել ԻՊ ահաբեկչական կազմակերպության զինյալների կողմից վերահսկվող սահմանամերձ Ջերաբլուս քաղաքում: Մեկ օր անց քաղաքը մաքրվել էր ԻՊ-ի զինյալներից, սակայն մինչ օրս թուրքական ստորաբաժանումները չեն շտապում լքել Սիրիայի սահմանները:

Աղբյուր` Ermenihaber.am

Այս ենթաբաժնի վերջին նորությունները

13:45, 29 ապր

Բացվել է Թուրքիայի 2-րդ ամենամեծ օդանավակայանը

Անթալիայի օդանավակայանը կարող է տարեկան սպասարկել շուրջ 82 մլն ուղևորի։

13:30, 28 ապր

Անկարան քուրդ զինյալներին սպառնում է ռազմական գործողություններով

Ֆիդան․«Ինչպես «Իսլամական պետություն» ահաբեկչական կազմակերպությունըդուրս եկավ ասպարեզից, այնպես էլ PKK-ն դուրս կգա: Կա՛մ իր կամքով՝ խաղաղության մեջ, կա՛մ այլ կերպ»։