Թուրքիայում «Հաղթանակի տոնի» միջոցառմանը առաջին անգամ գլխաշորով կին ոստիկաններ են մասնակցել

Տարածաշրջան10:01, 30 Օգոստոս 2016

Թուրքիայում «Հաղթանակի տոնի» միջոցառմանը առաջին անգամ գլխաշորով կին ոստիկաններ են մասնակցել

Թուրքիայի Ստամբուլ քաղաքի Թաքսիմ հրապարակում օգոստոսի 30-ին «Հաղթանակի տոնի» կապակցությամբ անցկացվող միջոցառումների ժամանակ որոշ կին ոստիկաններ կրել են գլխաշորեր: Ինչպես հաղորդում է «Sondakika» լրատվական կայքը` սա առաջին դեպքն է Թուրքիայի հանրապետության պատմության մեջ, երբ նշյալ տոնի կապակցության կին ոստիկանները եղել են գլխաշորերով:

Նշվում է, որ գլխաշոր կրելը եղել ըստ ցանկության և այն պարտադիր բնույթ չի ունեցել:

Թաքսիմում անցկացվող միջոցառումներին մասնակցել են Ստամբուլի քաղաքապետ Քադիր Թոփբաշը, Թուրքիայի զինված ուժերին առաջին բանակի հրամանատար, բանակի գեներալ Ահմեթ Միսբահը և Թուրքիայի ընդդիմադիր «Ժողովրդահանրապետական կուսակցության» (ԺՀԿ-CHP) պատգամավոր Սեզգին Թանրըքուլուն:

Օգոստոսի 30-ին «Հաղթանակի տոն» անվան տակ Թուրքիայում նշվում է 1922թ. տեղի ունեցած Դումլուփինար ճակատամարտի հաղթանակը, որից հետո ավելի իրատեսական դարձավ Թուրքիայի Հանրապետության հռչակումը: Նշյալ ճակատամարտի ժամանակ հունական զորքերը պարտություն կրեցին: Ի դեպ Ճակատամարտի ժամանակ թուրքական զորքերի հրամանատարն էր Մուստաֆա Քեմալ Աթաթուրքը:

Աղբյուր` Ermenihaber.am

Այս ենթաբաժնի վերջին նորությունները

12:53, 12 սեպ

Ֆիդան․ Կատարի դեմ հարձակումը պետք է սթափեցնի Նեթանյահուին հանդուրժողներին

Թուրքիայի արտաքին գործերի նախարարը Հռոմում իտալացի գործընկերոջ հետ կայացած համատեղ մամուլի ասուլիսում անդրադարձել է Իսրայելի կողմից Կատարի վրա ռմբակոծությանը: