Չավուշօղլուն սպառնացել Սիրիայի քրդերին. «Եփրատի արևմտյան ափ չնահանջելու դեպքում կհարվածենք»

Տարածաշրջան13:56, 29 Օգոստոս 2016

Չավուշօղլուն սպառնացել Սիրիայի քրդերին. «Եփրատի արևմտյան ափ չնահանջելու դեպքում կհարվածենք»

Թուրքիայի արտգործնախարար Մևլութ Չավուշօղլուն խոսել է թուրքական ԶՈՒ-ի կողմից սիրիական Ջերաբլուս սահմանային քաղաքում «Իսլամական պետություն» (ԻՊ) ահաբեկչական կազմակերպության դեմ իրականացվող «Եփրատի վահան» կոչվող օպերացիայի մասին:

Լրագրողներից մեկի` օպերացիայի նպատակի մասին հարցին ի պատասխան` Չավուշօղլուն ասել է, որ գործողության նպատակը ԻՊ ահաբեկչական կազմակերպությունն այնտեղից մաքրելն է և այնտեղի նախկին բնակիչներին իրենց տները վերադարձնելը: Չավուշօղլուն միաժամանակ մեղադրել է Սիրիայի քրդերի զինված ուժերը հանդիսացող «Ժողովրդի պաշտպանության ուժերին» (YPG) այդ տարածքներում էթնիկ զտումներ անելու համար:

Թուրք դիվանագետը հայտարարել է, որ քրդական զինված ուժերը պետք է դուրս գան Ջերաբլուսի հարևանությամբ գտնվող Մանբիջ քաղաքից և անցնեն Եփրատ գետի արևելյան ափ, հակառակ դեպքում հայտնվելու են իրենց թիրախում:

Հիշեցնենք, որ սիրիական սահմանային Ջերաբլուս քաղաքաը ԻՊ ահաբեկիչներից մաքրելուն ուղղված օպերացիայի շրջանակներում օգոստոսի 24-ի վաղ առավոտյան կոալիցիոն ուժերի աջակցությամբ Թուրքիայի զինված ուժերի լայնամասշտաբ գործողություններ սկսեցին: Ահաբեկիչնեի դեմ հիմնական ցամաքային գործողություններն իրականացնում են «Սիրիայի ազատ բանակ» կոչվող զինված ընդդիմության մարտիկները՝ Թուրքիայի մի քանի հարյուր հատուկջոկատայինների և հրետանային ստորաբաժանումների մասնակցությամբ: Ջերաբլուսի վերահսկողությունն արդեն իրենց ձեռքը վերցրած սիրիական զինված ընդդիմությունը Թուրքիայի համակողմանի աջակցությամբ շարժվում է դեպի Մանբիջ քաղաք, որը Սիրիայի քրդերը վերջին շրջանում կարողացել էին գրավել ԻՊ զինյալներից:

Աղբյուր` Ermenihaber.am

Այս ենթաբաժնի վերջին նորությունները

13:45, 29 ապր

Բացվել է Թուրքիայի 2-րդ ամենամեծ օդանավակայանը

Անթալիայի օդանավակայանը կարող է տարեկան սպասարկել շուրջ 82 մլն ուղևորի։

13:30, 28 ապր

Անկարան քուրդ զինյալներին սպառնում է ռազմական գործողություններով

Ֆիդան․«Ինչպես «Իսլամական պետություն» ահաբեկչական կազմակերպությունըդուրս եկավ ասպարեզից, այնպես էլ PKK-ն դուրս կգա: Կա՛մ իր կամքով՝ խաղաղության մեջ, կա՛մ այլ կերպ»։