Էրդողանի և Պուտինի միջև տեղի է ունեցել հեռախոսազրույց

Քաղաքական15:09, 27 Օգոստոս 2016

Էրդողանի և Պուտինի միջև տեղի է ունեցել հեռախոսազրույց

Օգոստոսի 26-ին Թուրքիայի նախագահ Ռեջեփ Թայիփ Էրդողանի և Ռուսաստանի Դաշնության (ՌԴ֊) նախագահ Վլադիմիր Պուտինի միջև տեղի է ունեցել հեռախոսազրույց: Ըստ թուրքական «NTV» հեռուստալիքի լրատվական կայքի՝ հեռախոսազրույցի ժամանակ քննարկվել են մի շարք առանցքային հարցեր: Մասնավորապես Էրդողանը Պուտինին տեղեկատվություն է տրամադրել Թուրքիայի զինված ուժերի կողմից Սիրիայի տարածքում սկսած «Եփրատի վահան» գործողության մասին:

Հիշեցնենք, որ թուրքական բանակի ստորաբաժանումները օգոստոսի 24-ի վաղ առավոտյան լայնամասշտաբ օպերացիա է սկսել «Իսլամական պետություն» (ԻՊ) ահաբեկչական կազմակերպության զինյալների կողմից վերահսկվող սիրիական Ջերաբլուս քաղաքում:

Պուտինի և Էրդողանի միջև կայացած հեռախոսազրույցի ընթացքում քննարկվել է նաև ԻՊ-ի խնդիրը, ինչպես նաև տարածաշրջանում գործող մի շարք խմբավորումների հարցը:

Բացի այդ կողմերը վճռականություն են հայտնել երկկողմ հարաբերությունները կարգավորող գործընթացը շարունակելու հարցում: Նախագահները պայմանավորվել են հանդիպել Չինաստանի Ժողովրդական Հանրապետությունում տեղի ունենալիք Մեծ քսանյակի գագաթնաժողովի շրջանակներում:

Աղբյուր` Ermenihaber.am