Ստամբուլի Բալըքլը հայկական գերեզմանատանը խաչքար է տեղադրվել

Հասարակական07:12, 25 Օգոստոս 2016

Ստամբուլի Բալըքլը հայկական գերեզմանատանը խաչքար է տեղադրվել

Ստամբուլի Բալըքլը գերեզմանատանը Հայաստանից տարված խաչքար է տեղադրվել:

Ըստ Թուրքիայում հրատարակվող հայկական «Ակոս» թերթի` չափերով բավական պատկառելի խաչքարի օծումը տեղի է ունեցել օրեր առաջ Պոլսի հայոց պատրիարքարանի հոգևորականների անցկացրած ծիսակարգով: Արարողությունը գլխավորել է պատրիարքի ընդհանուր փոխանորդ Արամ արքեպիսկոպոս Աթեշյանը:

Նշվում է, որ խաչքարը պատրաստվել և Թուրքիա է տեղափոխվել Ստամբուլի Սամթիա թաղամասի Սուրբ Գևորգ հայկական եկեղեցու կառավարման խորհրդի անդամներ Արիս Դեմիրի և Սևան Դուրմազի մեկենասությամբ:

Խաչքարի մոտ Հարության և Ծնունդյան տոներին հաջորդող օրերը մեռելոցի ծիսակարգ կկատարվի:

Աղբյուր` Ermenihaber.am

Այս ենթաբաժնի վերջին նորությունները

17:38, 08 մայ

Թուրքիայում սոցցանցի ավելի քան 27.000 հաշիվ է արգելափակվել․

Արգելափակումների հիմնական պատճառները եղել են հասարակական կարգը խախտող, ահաբեկչություն քարոզող կամ տարածող, ինչպես նաև ատելության խոսք պարունակող գրառումները։