PKK-ի գրոհայինները մի շարք հարձակումներ են իրականացրել Թուրքիայում

Տարածաշրջան12:28, 23 Օգոստոս 2016

PKK-ի գրոհայինները մի շարք հարձակումներ են իրականացրել Թուրքիայում

Երեկ երեկոյան ժամերից սկսած «Քուրդիստանի բանվորական կուսակցության» (PKK-ՔԲԿ) զինյալները Թուրքիայի հարավ-արևելյան տարբեր շրջաններում մի շարք հարձակումներ են իրականացրել թուրքական անվտանգության ուժերի դեմ:

Հարձակումների հետևանքով սպանվել են 3 թուրք ուժային, ևս 7-ը վիրավորվել են:

Ըստ թուրքական «Milliyet» թերթի կայքի` գիշերը PKK-ականները կրակ են բացել Վանի Չաթաք շրջանի ժանդարմերիայի բաժանմունքի վրա: Մոտ 2 ժամ տևած փոխhրաձգության հետևանքով վիրավորվել է ժանդարմերիայի մեկ աշխատակից:

Բինգյոլի Քարլիովա շրջանում էլ առավոտյան ժամերին բախում է տեղի ունեցել անվտանգության ուժերի և մի խումբ PKK-ականների միջև, ինչի հետևանքով սպանվել է 1 անվտանգության աշխատակից, ևս մեկը` վիրավորվել:

Չուքուրջայում նույնպես քուրդ զինյալների կողմից հարձակում է իրականացվել ռազմական գոտի համարվող տարածքի վրա, սակայն հնարավոր զոհերի կամ վիրավորների մասին առայժմ ոչինչ չի հաղորդվում:

Թուրքիայի Շըրնաք նահանգի Ուլուդերե շրջանում էլ քրդերը զինվորական մեքենայի անցման պահին պայթեցրել են նախօրոք ճանապարհին տեղադրած ռումբը: Պայթյունի հետևանքով սպանվել է 2 թուրք զինվոր:

Եվս 1 զինվորական մեքենա պայթեցվել է Հաքքարիի նահանգի Շեմդինլի շրջանում, ինչի հետևանքով վիրավորվել են 3 ուժայիններ:

Աղբյուր` Ermenihaber.am

Այս ենթաբաժնի վերջին նորությունները

13:45, 29 ապր

Բացվել է Թուրքիայի 2-րդ ամենամեծ օդանավակայանը

Անթալիայի օդանավակայանը կարող է տարեկան սպասարկել շուրջ 82 մլն ուղևորի։

13:30, 28 ապր

Անկարան քուրդ զինյալներին սպառնում է ռազմական գործողություններով

Ֆիդան․«Ինչպես «Իսլամական պետություն» ահաբեկչական կազմակերպությունըդուրս եկավ ասպարեզից, այնպես էլ PKK-ն դուրս կգա: Կա՛մ իր կամքով՝ խաղաղության մեջ, կա՛մ այլ կերպ»։