Թուրքիան հրետանակոծել է Սիրիայում գտնվող ԻՊ-ի և ԺՄԿ-ի հենակետերը

Տարածաշրջան07:46, 23 Օգոստոս 2016

Թուրքիան հրետանակոծել է Սիրիայում գտնվող ԻՊ-ի և ԺՄԿ-ի հենակետերը

Թուրքիայի զինված ուժերը հաուբից հրանոթներով կրակ են բացել Սիրիայի Ջերաբլուս քաղաքում գտնվող «Իսլամական պետություն» (ԻՊ) ահաբեկչական կազմակերպության հենակետերի ուղղությամբ: Ըստ գերմանական «Deutsche Welle» լրատվական կայքի թուրքական ծառայության` թուրքական ուժերը հրետանակոծել են նաև Սիրիայի Մենբիչ քաղաքում գտնվող Սիրիայի քրդական «Ժողովրդավարական միություն կուսակցության» (ԺՄԿ-PYD) ուժերի զինպահեստները:

Աղբյուրը որևէ տեղեկություն չի հայտնում ԺՄԿ-ի և ԻՊ-ի կորուստների մասին:

Թուրքական ուժերի Ջերաբլուսում և Մենբիչում իրականացրած հարվածների մասին «Reuters» հետ խոսել է մի թուրք պաշտոնյա, ում անունը թուրքական աղբյուրը չի հրապարակում:

Նա մասնավորապես ասել է, որ Ջերաբլուսում նշյալ հարվածները նպատակ ունեն միջանցք բացել`այնտեղ տեղի ունենալիք օպերացիայի համար, որը կրկին ուղղված է լինելու ԻՊ-ի դեմ:

Հիշեցնենք, որ Թուրքիայի Գազիանթեփ քաղաքում տեղի ունեցած ահաբեկչակական գործողությունից հետո, արտգործանախարար Մևլութ Չավուշղօղլուն հայտարարել էր, որ թուրք-սիրական սահմանը պետք է մաքրվի ԻՊ-զինյալներից:

Աղբյուր` Ermenihaber.am

Այս ենթաբաժնի վերջին նորությունները

13:45, 29 ապր

Բացվել է Թուրքիայի 2-րդ ամենամեծ օդանավակայանը

Անթալիայի օդանավակայանը կարող է տարեկան սպասարկել շուրջ 82 մլն ուղևորի։

13:30, 28 ապր

Անկարան քուրդ զինյալներին սպառնում է ռազմական գործողություններով

Ֆիդան․«Ինչպես «Իսլամական պետություն» ահաբեկչական կազմակերպությունըդուրս եկավ ասպարեզից, այնպես էլ PKK-ն դուրս կգա: Կա՛մ իր կամքով՝ խաղաղության մեջ, կա՛մ այլ կերպ»։