ԱՄՆ պատվիրակությունը Թուրքիայում քննարկում է Գյուլենի արտահանձման հարցը

Իրավական10:38, 23 Օգոստոս 2016

ԱՄՆ պատվիրակությունը Թուրքիայում քննարկում է Գյուլենի արտահանձման հարցը

Իսլամի հայտնի քարոզիչ, ամերիկաբնակ միլիարդատեր Ֆեթուլլահ Գյուլենին արտանահձնելու հարցով Թուրքիա մեկնած 4 հոգանոց ամերիկյան պատվիրակությունն արդեն սկսել է բանակցությունները թուրք պաշտոնյա անձանց հետ:

Ինչպես հաղորդում է թուրքական «Milliyet» թերթի կայքը, ամերիկյան պատվիրակության մեջ մտնում են արդարադատության նախարարության 3 ներկայացուցիչ, մեկ ներկայացուցիչ էլ կա ԱՄՆ-ի պետքարտուղարությունից:

Ամերիկյան պատվիրակությունը հանդիպումներ է ունեցել Թուրքիայի արդարադատության նախարարության միջազգային իրավունքի և արտաքին հարաբերությունների վարչության պաշտոնյաների հետ:

Սպասվում է, որ կողմերի միջև բանակցությունները և հանդիպումները կտևեն 2 օր, որոնց ընթացքում կուսումնասիրվեն այն 4 փաթեթ փաստաղթերը, որոնք Թուրքիան ուղարկել էր ԱՄՆ՝ պահանջելով արտահանձնել Գյուլենին:

Նշվում է, որ ամերիկյան պատվիրակությանը թուրքական կողմից կներկայացվեն փաստեր, որոնք ապացուցում են, որ Գյուլենը կապ է ունեցել Թուրքիայում հուլիսի 15-ին տեղի ունեցած ռազմական հեղաշրջման փորձի հետ:

Հիշեցնենք, որ վերջերս Գյուլենը ֆրանսիական «La monde» պարբերականի համար գրած հոդվածում, խոսելով թուրքական իշխանությունների կողմից իրեն առաջադրած մեղադրանքների մասին ասել էր.

«Ինձ ուղղված մեղադրանքների 10-ից 1-ը թող հիմնավորեն, երդվում եմ, ինքս կվերադառնամ Թուրքիա»:

Աղբյուր` Ermenihaber.am

Այս ենթաբաժնի վերջին նորությունները

11:50, 11 սեպ

Թուրքիայում 10 խոշոր ձեռնարկատեր կձերբակալվի

Նրանց թվում են «Can Holding»-ի ղեկավարները, որոնք մեղադրվում են «հանցավոր կազմակերպություն ստեղծելու», «մաքսանենգության», «խարդախության» և «փողերի լվացման» մեջ։