Ըստ Sputniknews-ի` փոխվել է Ռոսաստանում Թուրքիայի արտակարգ և լիազոր դեսպանը

Տարածաշրջան11:16, 22 Օգոստոս 2016

Ըստ Sputniknews-ի` փոխվել է Ռոսաստանում Թուրքիայի արտակարգ և լիազոր դեսպանը

Ըստ որոշ տեղեկությունների՝ Ռուսաստանի Դաշնությունում (ՌԴ) Թուրքիայի արտակարգ և լիազոր դեսպանի պաշտոնում նոր նշանակում է եղել: «Sputniknews» լրատվական կայքի թուրքական ծառայությունը նշում է, որ այդ մասին իրենց հայտնել է մի թուրք դիվանագետ, որի անունը, սակայն, չի հրապարակվում:

Պատասխանելով նոր դեսպանի նշանակման վերաբերյալ հարցին՝ նշյալ դիվանագետն ասել է. «Այո նշանակումը տեղի է ունեցել: Նոր դեսպանի թեկնածության վերաբերյալ համաձայնություն էր ձեռք բերվել»:

Չի նշվում նաև նախկին դեսպան Ումիթ Յարդըմի փոխարինման պատճառը, հաշվի առնելով, որ նրա դիվանագիտական առաքելության ժամկետը չէր ավարտվել:

Նշենք, որ սույն տեղեկությունը առայժմ չի հաստատվել Թուրքիայի պաշտոնական շրջանակների՝ մասնավորապես արտաքին գործերի նախարարության կողմից:

Ավելի վաղ, երբ ռուս-թուրքական լարված հարաբերությունների ժամանակ խոսվում էր Յարդըմի փոխարինման մասին, նոր դեսպանի պաշտոնում շրջանառվում էր Հուսեյին Դիրիոզի անունը, որը Բրազիլիայում Թուրքիայի դեսպանն է: Աղբյուրը ենթադրում է, որ դեսպանի փոփոխությունը կարող է պայմանավորված լինել 2016թ. Թուրքիայում պատրաստված մի նախագծի հետ, ըստ որի, նախատեսվում է 50 երկրներում փոխել Թուրքիայի դեսպաններին:

Աղբյուր` Ermenihaber.am

Այս ենթաբաժնի վերջին նորությունները

13:45, 29 ապր

Բացվել է Թուրքիայի 2-րդ ամենամեծ օդանավակայանը

Անթալիայի օդանավակայանը կարող է տարեկան սպասարկել շուրջ 82 մլն ուղևորի։

13:30, 28 ապր

Անկարան քուրդ զինյալներին սպառնում է ռազմական գործողություններով

Ֆիդան․«Ինչպես «Իսլամական պետություն» ահաբեկչական կազմակերպությունըդուրս եկավ ասպարեզից, այնպես էլ PKK-ն դուրս կգա: Կա՛մ իր կամքով՝ խաղաղության մեջ, կա՛մ այլ կերպ»։