Իրավական09:01, 17 Օգոստոս 2016
Թուրքիայում 38 հազար բանտարկյալ ազատ կարձակվի
Թուրքիայում «Պատիժների և անվտանգության միջոցառումների իրականացման մասին» օրենքի հոդվածներից 2-ում կատարված փոփոխությունների արդյունքում երկրի փակ և բաց ռեժիմի բանտերից ազատ կարձակվեն 38 հազար բանտարկյալներ:
Ըստ թուրքական «Haberler.com.tr» լրատվական կայքի` պայմանական ազատ արձակվելու հնարավորությունը կտարածվի այն բանտարկյալների վրա, որոնք հանցանք են գործել մինչև հուլիսի 1-ը:
Վերոնշյալ օրենքի 105-րդ հոդվածում կատարված փոփոխությունը դատապարտյալին հնարավորություն կտա նախկին 1 տարվա փոխարեն այժմ արդեն պատժաչափի վերջին 2 տարին անցկացնել պայմանական ազատության մեջ:
Իսկ 107 հոդվածում կատարված փոփոխությունը ազատազրկվածներին հնարավորություն կտա օգտվել պայմանականորեն ազատ արձակվելու հնարավորությունից պատժաչափի 1/2-ը կրելուց հետո: Մինչ այժմ այդ հնարավորությունն ընձեռնվում էր պատժի 2/3-ը կրելուց հետո:
Օրենքի փոփոխությունը չի տարածվի դիտավորյալ սպանության, ինքնապաշտպանության հնարավորություն չունեցող մարդկանց դիտավորյալ մարմնական վնասվածք կամ ծանր մարմնական վնասվածք հասցնելու, սեռական ոտնձգության, ահաբեկչության դեմ պայքարի և պետության դեմ կատարված հանցագործությունների վերաբերյալ հոդվածներով դատապարտվածների վրա:
Ավելացնենք, որ օրենքի ժամանակավոր փոփոխությունը չի տարածվելու հուլիսի 15-ին Թուրքիայում ռազմական հեղաշրջման նախաձեռնության հետ այս կամ այն կերպ կապ ունենալու համար ձերբակալված տասնյակ հազարավոր մարդկանց վրա:
Այս ենթաբաժնի վերջին նորությունները
Թուրքիայում ազատազրկված անձանց թիվը ներկա դրությամբ հասնում է 362.000-ի։
Իտալական մամուլի տեղեկություններով՝ նրանք կասկածվում են «Մակկինա դի Սանտա Ռոզա» տոնին հնարավոր հարձակման նախապատրաստման մեջ։
Եթե 2020-ի դրությամբ Թուրքիայում քրեակատարողական հիմնարկների համալրվածությունը կազմում էր մոտավորապես 230.000, ապա այսօր այն գերազանցում է 266.000-ը:
Ուղիղ խոսք
Անկարայում հարձակում TUSAŞ-ի վրա․ մանրամասներ և վերլուծություն
ամենաշատ ընթերցված
Ուղուրջան Բալ. «Չնայած Հայաստանը տարածքով փոքր է, բայց խոր արմատներ ունեցող իր պատմությամբ աշխարհի ամենահին քաղաքակրթություններից մեկն է»։
Հանդիպմանը կողմերն անդրադարձել են նաև տարածաշրջանային հարցերի։
Կատարում տեղի ունեցած հարձակումից հետո իսրայելցի լրագրողը նման գրառում է արել սոցցանցում։
Ծնելիության բարձր ցուցանիշներ ունեն Իրաքը՝ 3.36 և Սիրիան՝ 2.59։
Թուրքիայի նախագահ. «Մենք կատեգորիկ թույլ չենք տա, որ խաթարվեն մեր փողոցները»։
Օրացույց
Հարցումներ
Այս տարի կբացվի՞ հայ-թուրքական սահմանը 2 երկրների քաղաքացիների համար:
արտարժույթ
| EUR | TRY | USD |
| 549.84 | 90.05 | 485.12 |