Հասարակական13:10, 15 Օգոստոս 2016
Sabah. «Էրդողանին սպանելու էին վիրահատության ժամանակ»
Գյուլենական հայանքի (ամերիկաբնակ թուրք միլիարդտեր, իսլամի հայտնի քրոզիչ Ֆեթուլլահ Գյուլենի հիմնած շարժումը, որին թուրքական լրատվականները անվանում են «Ֆեթուլլահի ահաբեկչական կազմակերպություն») նախկին իմամ Հյուսեյին Սարըչիչեքը հայտարարել է, որ գյուլենականները 2012-ին պլանավորել էին վիրահատության ժամանակ սպանել նախագահ Ռեջեփ Թայիփ Էրդողանին:
Թուրքական իշխանամետ «Sabah» թերթի կայքի տեղեկացմամբ՝ նախկին գյուլենական իմամը, գյուլենական համայնքի հետ կապի մասին խոստովանել էր 2013 թվականի դեկտեմբերի 17-ին Թուրքիայում տեղի ունեցած կոռուպցիոն սկանդալից հետո՝ Իզմիրի դատախազությանը ներկայացնելով գյուլենական համայնքին վերաբերող 200-ից ավելի գաղտնի տեղեկություններ, փաստաթղթեր և ձայնագրություններ:
Սարըչիչեքն Էրդողանի դեմ մահափորձի մասին մանրամասներ ներկայացնելիս պատմել է, որ Էգեյան շրջանի իմամ Նեջդեթ Իչելը, որը Ֆեթուլլահ Գյուլենի ամենամտերիմ 6 անձից բաղկացած հույժ գաղտնի պատվիրակության անդամ էր, 2012թ. փետրվարի 7-ին իրեն հանդիպման էր հրավիրել:Սարըչիչեքը պատմել է, որ այցելության ժամանակ ականտես է եղել, թե ինչպես է Իչելը բարկացած գոռացել մի ոստիկանապետի վրա՝ ասելով. «Ինչպես, թե չի գնացել վիրահատության: Ինչպես, թե չի մահացել»: Սարըչիչեքի խոսքերով, ինքը հետագայում իմացել է, որ այդ օրը Էրդողանը, ով այդ ժամանակ զբաղեցնում էր վարչապետի պաշտոնը, հրաժարվել էր վիրահատությունից: «Այդ ամենից ես հասկացա, որ այդ օրը վիրահատության ժամանակ Էրդողանին պետք է սպանեին»:
Այս ենթաբաժնի վերջին նորությունները
2024 թվականի ընթացքում Թուրքիա է ընդունել է 60․6 մլն զբոսաշրջիկ։
Սոցհարցման մասնակիցների մեծ մասը կարծում է, որ Թուրքիայի վրա հնարավոր հարձակման դեպքում ՆԱՏՕ-ն օգնության չի գա:
Էրդողան. «Դեմոգրաֆիայի խնդիրը մեր ազգի համար քիչ-քիչ վերածվում է գոյության մարտահրավերի»
Ուղիղ խոսք
Անկարայում հարձակում TUSAŞ-ի վրա․ մանրամասներ և վերլուծություն
ամենաշատ ընթերցված
Էրդողանն ասել է, որ Թուրքիան կշարունակի հյուրընկալել բանակցությունները Ստամբուլում, երբ բանակցող կողմերը կորոշեն հարմար ժամկետներ։
ՔԲԿ-ի զինյալների առաջին խումբը հուլիսի 11-ին էր Իրաքյան Քուրդիստանի Սյուլեյմանիե քաղաքում զենքերը հանձնել թուրքական կողմին։
Ըստ Ֆրիդրիխ Մերցի՝ վաճառքի թույլտվության գործընթացը դրական ընթացքի մեջ է:
Վիզաները կտրվեն ավելի երկար ժամկետով և բազմակի մուտքով։
Մոսկվայում կայացած ամենշաբաթյա մամուլի ասուլիսում Զախարովան անդրադարձել է ռուս-ուկրաինական բանակցային գործընթացին։
Օրացույց
Հարցումներ
Այս տարի կբացվի՞ հայ-թուրքական սահմանը 2 երկրների քաղաքացիների համար:
արտարժույթ
| EUR | TRY | USD |
| 549.84 | 90.05 | 485.12 |