Տարածաշրջան08:03, 13 Օգոստոս 2016
Էրդողանը դժգոհ է, որ ՆԱՏՕ-ն և ԵՄ-ն անտարբեր են Թուրքիայի նկատմամբ
Թուրքիայի նախագահ Ռեջեփ Թայիփ Էրդողանը հարցազրույց է տվել գերմանական «RTL» հեռուստաընկերությանը, որտեղ անդրադարձել է Եվրամիության-Թուրքիա հարաբերություններին, հուլիսի 15-ին տեղի ունեցած ռազմական հեղաշրջման փորձին և մի շարք այլ կարևոր հարցերի:
Նշելով, որ ԵՄ-ի կողմից Թուրքիայի քաղաքացիների համար վիզային ռեժիմի ազատակացումը շատ կարևոր է, Էրդողանը ընդգծել է, որ ցավոք Եվրոպան իր խոստումը չկատարեց:
Խոսելով հուլիսի 15-ին տեղի ունեցած հեղաշրջման փորձի մասին, Թուրքիայի նախագահը ասել է, որ Եվրոպան չաջակցեց Թուրքիային, այդ ծանր իրավիճակում: Նա մտահոգիչ է համարել այն փաստը, որ ռազմական հեղաշրջման փորձից հետո ոչ մի եվրոպական երկրի ղեկավար չի այցելել Թուրքիա: Էրդողանը հիշեցրել է, որ մինչ այժմ Թուրքիա են այցելել միայն Եվրախոհրդարանի գլխավոր քարտուղարը, Քաթարի արտաքին գործերի նախարարը և մեկ եվրոպացի նախարար:
Նա, կրկին խոսելով Թուրքիայում մահապատժի վերականգման մասին, ասել է, որ եթե Թուրքիայի խորհրդարանը նման որոշում ընդունի, ապա ինքը կվավերացնի դա:
Էրդողանը վերջում նաև խոսել է Թուրքիա-ՆԱՏՕ և Թուրքիա-Ռուսաստան հարաբերություններից: Նա իր դժգոհությունն էլ արտահայտել, որ ՆԱՏՕ-ն աչք է փակում թուրք-սիրիական սահմանին տեղի ունեցող իրադարձությունների հարցում:
«ՆԱՏՕ-ն չպետք է միայնակ թողնի իր անդամին: Եթե ոչ այսօր, ապա ե՞րբ է ՆԱՏՕ-ն մեր կողքին լինելու»:
Ռուս-թուրքական լարված հարաբերություններում սկսված կարգավորման գործընթացը ըստ Էրդողանի՝ երկու երկրների միջև բացեց նոր էջ՝ ռազմական, քաղաքական, մշակութային, տնտեսական ոլորտներում համագործակցելու համար:
Այս ենթաբաժնի վերջին նորությունները
Թուրքիայի նախագահը նշել է, որ շարունակում են աջակցել Հարավային Կովկասում կայուն խաղաղություն հաստատելու ջանքերին։
Տեղացիները նշում են, որ նախկինում գյուղից-գյուղ գնում էին նավակով, իսկ այժմ՝ ոտքով։
Սա միջին հաշվով նշանակում է օրական շուրջ 100, իսկ ժամում՝ 4 երկրաշարժ։
Ուղիղ խոսք
Անկարայում հարձակում TUSAŞ-ի վրա․ մանրամասներ և վերլուծություն
ամենաշատ ընթերցված
Սենատի արտաքին հարաբերությունների հանձնաժողովի նախագահ Ջեյմս Ռիշը նշել է, որ վճռական է տրամադրված այդ հարցում։
Նեմրութ լեռան սրբավայրը կառուցել է հայկական Կոմմագենեի թագավորության Անտիոքոս Ա Երվանդունի արքան։
Թեմային անդրադարձել է Թուրքիայի պաշտպանության նախարար Յաշար Գյուլերը։
Թուրքիայի իշխանությունների «ահաբեկչության դեմ պայքարի» քաղաքականությունը զգալիորեն ընդլայնել է էրդողանական վարչակարգի լեգիտիմության հիմքերը։
Ադրբեջանի նախագահը նշել է, որ գազամատակարարումը նախատեսվում է իրականացնել մոտ ապագայում։
Օրացույց
Հարցումներ
Այս տարի կբացվի՞ հայ-թուրքական սահմանը 2 երկրների քաղաքացիների համար:
արտարժույթ
| EUR | TRY | USD |
| 549.84 | 90.05 | 485.12 |