Haberler. Ռուս-թուրքական հարաբերությունների կարգավորման համար Պուտինը ու Էրդողանը 5 կարևոր որոշում են ընդունել

Քաղաքական08:11, 10 Օգոստոս 2016

Haberler. Ռուս-թուրքական հարաբերությունների կարգավորման համար Պուտինը ու Էրդողանը 5 կարևոր որոշում են ընդունել

Թուրքական «Haberler» լրատվական կայքը անդրադարձ է կատարել նախօրեին Թուրքիայի և Ռուսաստանի նախագահների միջև` Սանկտ-Պետերբուրգում տեղի ունեցած հանդիպմանը: Աղբյուրի հավաստմամբ` Վլադիմիր Պուտին - Ռեջեփ Թայիփ Էրդողան հանդիպման ժամանակ 5 կարևոր որոշում է ընդունվել երկու երկրների միջև լարված հարաբերությունները կարգավորելու ուղղությամբ:

Նշյալ որոշումները վերաբերում են հետևյալ ոլորտներին.

1. Ռուսաստանը քայլ առ քայլը վերացնում է Թուրքիայի և թուրքական ընկերությունների նկատմամբ սահմանված պատժամիջոցները: Այն սահմանափակումները, որոնք խոչընդոտում են երկկողմ հարաբերությունների զարգացմանը օրակարգից հանվում են: Մասնավորապես, թուրքական շինարարական ընկերությունների նախագծերի իրականացումը նորից վերսկսվելու է: Թուրքիայի քաղաքացիները նորից հնարավորություն են ստանալու աշխատել Ռուսաստանում: Բացի դրանից ձեռք է բերվում պայմանավորվածություն ռուս-թուրքական ներդրումային հիմնադրամի ստեղծման մասին:

2.«Թուրքական հոսքը» և նման այլ ռուս-թուրքական էներգետիկ նախագծերի իրակաացումը շարունակվելու է:

3. Աքքույու ատոմակայանի կառուցման համար `վերջինիս տրվելու է ներդրումային նախագծի կարգավիճակ:

4. Վերացվելու են զբոսաշրջության ոլորտում առկա սահմանափակումները: Սակայն նշյալ գործընթացը ժամանակ կպահանջի, ելնելով այն վտանգներից, որոնք կապված են Թուրքիայի ներքաղաքական լարված դրության հետ:

5. Ընդլայնվելու և մեծացվելու է երկու երկրների համագործակցությունը պաշտպանական արդյունաբերության ոլորտում:

Բացի վերոնշյալ 5 որոշումներից կողմերը, ըստ աղբյուրի, քննարկել են նաև տարածաշրջանային խնդիրներ և այդ ուղղությամբ դրական են վերաբերվում Թուրքիա-Ռուսաստան-Ադրբեջան եռակողմ գագաթնաժողովների ժամանակ որոշակի մեխանիզմների ստեղծմանը: Սա առաջին հերթին վերաբերում է ղարաբաղա-ադրբեջանական հակամարտությունը:

Աղբյուր` Ermenihaber.am