Իբրահիմ Քալըն. «Թուրքիան Ռուսաստանին համարում է բարեկամ և գործընկեր»

Տարածաշրջան07:54, 05 Օգոստոս 2016

Իբրահիմ Քալըն. «Թուրքիան Ռուսաստանին համարում է բարեկամ և գործընկեր»

Թուրքիայի նախագահ Ռեջեփ Թայիփ Էրդողանի մամուլի խոսնակ Իբրահիմ Քալընը Էրդողանի՝ Ռուսաստան կատարելիք այցից առաջ հարցազրույց է տվել ռուական պետական «ՏԱՍՍ» լրատվական գործակալությանը: Այս մասին տեղեկացնող թուրքական իշխանամետ «Sabah» թերթի կայքը հայտնել է, որ Քալընը հարցազրույցի ժամանակ խոսել է ռուս-թուրքական հարաբերությունների կարգավորման մասին:

Ըստ Քալընի՝ երկու երկրների հարաբերությունների կարգավորման գործընթացը սկսվել է Թուրքիայի նախագահ Ռեջեփ Թայիփ Էրդողանի և Ռուսաստանի նախագահ Վլադիմիր Պուտինի վճռականության շնորհիվ: Նա կարծում է, որ երկու նախագահների միջև օգոստոսի 9-ն կայանալիք հանդիպումը կարագացնի կարգավորման գործընթացը: Քալընը կարևորել է սերտ համագործակցությունն ինչպես երկողմ հարաբերություններում, այնպես էլ տարածաշրջանային և միջազգային հարցերում:

Նա անդրադարձել է ռուսների և թուրքերի հարյուրամյա բարեկամությանը՝ նշելով, որ այժմ էլ Թուրքիան Ռուսաստանին բարեկամ և գործընկեր է համարում և համոզված է, որ ռուս ժողովուրդն ու կառավարությունը նույն վերաբերմունքն ունեն Թուրքիայի հանդեպ:

Անդրադառնալով Պուտին-Էրդողան հանդիպման օրակարգին՝ Քալընը տեղեկացրել է, որ հանդիպման ժամանակ քննարկվելու են երկկողմ հարաբերություններին, Սիրիայի ճգնաժամին, ահաբեկչության դեմ պայքարին և տարածաշրջանային խնդիրներին վերաբերող հարցեր:

Խոսելով սիրիական ճգնաժամի լուծման մասին՝ Քալընը հույս է հայտնել, որ Ռուսաստանի հետ համագոծակցելով օր առաջ քաղաքական լուծում կտան հարցին: Նա միաժամանակ ընդգծել է, որ քանի դեռ Սիրիայի նախագահի պաշտոնը զբաղեցնում է Բաշար Ասադը Սիրիայում քաղաքական անցումային փուլի մասին խոսելն անհնար է:

«Եթե Ասադի մնա, նշանակում է, որ բախումները շարունակվելու են: Եթե մեր նպատակը Սիրիայում մնայուն խաղաղություն հաստատելն է, ապա դա հանարվոր է չէ անել Ասադի հետ միասին, ինչն ակնհայտ է դարձել, 5 տարի տևած բախումներից, կես միլիոն անմեղ սիրիացիների մահից հետո: Կարևորն այն է, որ Սիրիայում հաստատվի ժողովրդավարական լեգիտիմություն ունեցող, բազմակարծիք մի քաղաքական կառույց, որն ընդունելի կլինի բոլոր սիրիացիների համար: Նման արդյունքը, ինչպես Ռուսաստանի, այնպես էլ Թուրքիայի շահերի տեսանկյունից անհրաժեշտություն է»:

Աղբյուր` Ermenihaber.am

Այս ենթաբաժնի վերջին նորությունները

13:45, 29 ապր

Բացվել է Թուրքիայի 2-րդ ամենամեծ օդանավակայանը

Անթալիայի օդանավակայանը կարող է տարեկան սպասարկել շուրջ 82 մլն ուղևորի։

13:30, 28 ապր

Անկարան քուրդ զինյալներին սպառնում է ռազմական գործողություններով

Ֆիդան․«Ինչպես «Իսլամական պետություն» ահաբեկչական կազմակերպությունըդուրս եկավ ասպարեզից, այնպես էլ PKK-ն դուրս կգա: Կա՛մ իր կամքով՝ խաղաղության մեջ, կա՛մ այլ կերպ»։