Գյուլենի արտահանձման համար Թուրքիան մեծ թվով փաստաթղթեր է ուղարկել ԱՄՆ

08:46, 05 Օգոստոս 2016

Գյուլենի արտահանձման համար Թուրքիան մեծ թվով փաստաթղթեր է ուղարկել ԱՄՆ

Թուրքիան 85 փաթեթ ստվարածավ փաստաթղթեր է ուղարկել ԱՄՆ իսլամի հայտնի քարոզիչ, ամերիկաբնակ միլիարդատեր Ֆեթթուլահ Գյուլենին արտահաձնելու համար: Ըստ թուրքական «Trthaber» լրատվական կայքի` նման տեղեկություն է հայտնվել ամերիկյան հայտնի «Washington Post» պարբերականի՝ Գյուլենի մասին հրապարակած հոդվածում:

Նշյալ փաստաթղթերը ուղարկվել են ԱՄՆ-ի արդարատադության նախարարություն, իսկ վերջինս դրանք ուսումնասիրում է: Փաստաթղթերում նշվում է, թե ինչպես է Գյուլենը թուրքական պետական համակարգում կառույցներ ստեղծել: Բացի դրանից պարզաբանվում է, թե ով է կանգնած Թուրքիայի հուլիսի 15-ին տեղի ունեցած ռազմական հեղաշրջման փորձի ետևում:

Ամերիկյան պարբերականի հաղորդմամբ` նշյալ փաստաթղթերի մի մասը վերաբերում է գյուլենական համայնքի ԱՄՆ-ում իրականացրած գործունեությանը: Մասնավորապես ըստ դրանց` ԱՄՆ-ում գյուլենականները ղեկավարում են շուրջ 160 դպրոց և բացի դրանից նվիրատվություն են անում ամերիկացի որոշ քաղաքական գործիչների, հովանավորում մի շարք կոնգրեսականների հանգիստը Թուրքիայում: Օրինակ՝ 2007-ից մինչև հիմա գյուլենականները ֆինանսավորել են ԱՄՆ-ից Թուրքիա մեկնած 289 պատվիրակության:

Աղբյուր` Ermenihaber.am