Տնտեսական06:02, 03 Օգոստոս 2016
Թուրքիայի տնտեսությունը հեղաշրջման փորձի հետևանքով 100 մլրդ դոլարի կորուստ է կրել
Թուրքիայի առևտրի և մաքսային հարցերով նախարար Բյուլենթ Թյուֆեքչին հայտարարել է, որ հուլիսի 15-ի ռազմական հեղաշրջման փորձի հետևանքով երկրի տնտեսությունը 300 մլրդ թուրքական լիրայի (մոտ 100 մլրդ 540 մլն դոլար) կորուստ է կրել:
Նախարարը նշել է, որ սա դեռ նախնական գնահատական է: Հնարավոր է, որ կորուստները դեռ գերազանցեն 300 միլիարդը:
«300 մլրդն ընդգրկում է ռազմական ինքնաթիռներ և ուղաթիռներ, զենք, զինամթերք, շենքեր: Գուցե քիչ եմ ասում և հնարավոր է աճի: Օրինակ՝ արտասահմանից արված պատվերները չեղարկվել են: Զբոսաշրջիկները չեն եկել: Միջնաժամկետ կտրվածքով պարզ կլինի, թե այս ամենն, ինչքան է արժեցել»,- նախարարի խոսքերը մեջբերել է թուրքական «Sabah» թերթը:
Նախարարը շնորհակալություն է հայտնել ժողովրդին՝ նշելով, որ հեղաշրջման փորձը եթե ուրիշ երկրում լիներ, շուկաները ավելի քան մեկ շաբաթ փակ կմնային: Այնինչ Թուրքիայում հեղաշրջման փորձը կատարվել է ուրբաթ, իսկ արդեն երկուշաբթի բոլոր բանկերը, բորսաները, առևտրի կենտրոնները բաց են եղել: «Տոկոսադրույքներն արտառոց աճ չեն գրանցել, բորսաներում մեծ անկումները չեն արձանագրել»,-տեղեկացրել է Թյուֆեքչին:
Ըստ նրա՝ այս պահին բարդ իրավիճակ է զբոսաշրջության ոլորտում: Թուրքիայում ահաբեկչական հարձակումները, ռուս-թուրքական հարաբերություններում ճգնաժամը, իսկ այժմ նաև հեղաշրջման փորձը բացասական ազդեցություն են ունեցել զբոսաշրջության վրա: Նախարարը հույս է հայտնել, որ այս ամենից հետո այդ ոլորտում նույնպես դրական տեղաշարժեր կլինեն:
Այս ենթաբաժնի վերջին նորությունները
Կարսում կազմակերպված «Սահմանակից նահանգների տնտեսական ֆորում»-ին ներկա է գտնվել նաև Թուրքիայում Ադրբեջանի դեսպան Ռաշադ Մամեդովը։
Թուրքիայի Էներգետիկայի և բնական պաշարների նախարարն արձագանքել է իրանական գազի ներկրման մասին մտահոգիչ խոսակցություններին։
Իրանի և Իսրայելի ֆոնդային բորսաներում ևս զգալի անկում է նկատվում։
Ուղիղ խոսք
Անկարայում հարձակում TUSAŞ-ի վրա․ մանրամասներ և վերլուծություն
ամենաշատ ընթերցված
Թերթի խմբագիր Տանձիկյանը ներկայացնում է, թե որը կարող է լինել այս «աշխատանքային այցի» օրակարգը, հատկապես, երբ տարածաշրջանը կրկին պատերազմի մեջ է Իրանի վրա Իսրայելի հարձակման պատճառով:
Նիկոլ Փաշինյանը հանդիպում կունենա տեղի հայ համայնքի ներկայացուցիչների հետ։
Աբբաս Արաղչին Ստամբուլում կմասնակցի «Իսլամական համագործակցություն» կազմակերպության անդամ երկրների արտգործնախարարների խորհդի նիստին:
Թուրքիայի պաշտպանության նախարար Յաշար Գյուլերը մասնակցել է Ադրբեջանի զինված ուժերի օրվա կապակցությամբ Անկարայում կազմակերպված ընդունելությանը։
Թուրքիայի նախագահ Ռեջեփ Թայիփ Էրդողանն և Ադրբեջանի նախագահ Իլհամ Ալիևը մասնակցել են Քահրամանմարաշում «Ադրբեջանական թաղամաս» համալիրի բացմանը Էրդողանը ելույթն ավարտել է քահարամանմարաշցի բան
Օրացույց
Հարցումներ
Այս տարի կբացվի՞ հայ-թուրքական սահմանը 2 երկրների քաղաքացիների համար:
արտարժույթ
| EUR | TRY | USD |
| 549.84 | 90.05 | 485.12 |