ԱՄՆ-ի զինված ուժերի գլխավոր շտաբի պետը Թուրքիայում է

Տարածաշրջան09:20, 01 Օգոստոս 2016

ԱՄՆ-ի զինված ուժերի գլխավոր շտաբի պետը Թուրքիայում է

ԱՄՆ-ի զինված ուժերի (ԶՈՒ) գլխավոր շտաբի պետ Ջոսեֆ Դունֆորդը հուլիսի 31-ին մեկնել է Թուրքիա: Ըստ թուրքական «Hurriyet» օրաթերթի կայքի` Դունֆորդի ինքնաթիռն Իրաքից միանգամից մեկնել է Թուրքիայի Ադանա քաղաքում տեղակայված ՆԱՏՕ-ի Ինջիրլիք ռազմաբազա: Նա հանդիպումներ է ունեցել ռազմաբազայի ամերիկացի զինվորների հետ:

Աղբյուրը նշում է, որ ԱՄՆ-ի ԶՈՒ-ի գլխավոր շտաբի պետն այնտեղից մեկնելու է մայրաքաղաք Անկարա, որտեղ մի շարք հանդիպումներ են նախատեսված թուրք պաշտոնյաների հետ:

Անկարայում նա հանդիպելու է Թուրքիայի վարչապետ Բինալի Յըլդըրըմի հետ:

Ըստ Hurriyet-ի՝ նշյալ այցի պատճառ է հանդիսացել այն հանգամանքը, որ որոշ ամերիկացի գեներալներ Թուրքիայում իրականացված ռազմական հեղաշրջման փորձից հետո այնպիսի հայտարարություններ արեցին, որոնք լարվածություն առաջացրեցին թուրք-ամերիկյան հարաբերություններում:

Հավելվում է, որ Անկարայում նշյալ հանդիպումներից հետո Դունդորֆը նորից կվերադառնա Ինջիրլիք ռազմաբազա, ապա կլքի Թուրքիայի սահմանները:

Աղբյուր` Ermenihaber.am

Այս ենթաբաժնի վերջին նորությունները

13:45, 29 ապր

Բացվել է Թուրքիայի 2-րդ ամենամեծ օդանավակայանը

Անթալիայի օդանավակայանը կարող է տարեկան սպասարկել շուրջ 82 մլն ուղևորի։

13:30, 28 ապր

Անկարան քուրդ զինյալներին սպառնում է ռազմական գործողություններով

Ֆիդան․«Ինչպես «Իսլամական պետություն» ահաբեկչական կազմակերպությունըդուրս եկավ ասպարեզից, այնպես էլ PKK-ն դուրս կգա: Կա՛մ իր կամքով՝ խաղաղության մեջ, կա՛մ այլ կերպ»։