Թուրքիայի վարչապետը հայտարարել է Ստամբուլում և Անկարայում գտնվող ռազմաբազաները փակելու մասին

Տարածաշրջան07:10, 30 Հուլիս 2016

Թուրքիայի վարչապետը հայտարարել է Ստամբուլում և Անկարայում գտնվող ռազմաբազաները փակելու մասին

Թուրքիայի վարչապետ Բինալի Յըլդըրըմը հայտարարել է, որ ռազմաբազանները, որտեղից հուլիսի 15-ին կատարված ռազմական հեղաշրջման ժամանակ զինվորներ և տանկեր էին դուրս եկել փողոց, փակվելու են:

Ինչպես տեղեկացնում է թուրքական իշխանամետ «Sabah» թերթը, վարչապետ Յըլդըրըմն այս մասին ասել է Քազանում ժողովրդի առջև ելույթ ունենալիս: Ըստ վարչապետի՝ հայտարարության՝ փակման ենթակա է «Աքընջը» ռազմաբազան, որը նրա բնորոշմամբ գյուլենական (ամերիկաբնակ թուրք միլիարդատեր, իսլամի քարոզիչ Ֆեթուլլահ Գյուլենի ղեկավարծ կառույց) շարժմանը հարող զինվորների ռազմաբազան է, ինչպես նաև բոլոր զինանոցները, որտեղից Անկարայի և Ստամբուլի փողոցներ տանկեր էին դուրս բերվել: Վարչապետը նշել է, որ «Աքընջը» ռազմաբազան կվերածվի զոհված զինվորների հիշատակի ոգեկոչման վայր:

«Ժողովրդի վրա տանկ քշողները, այլևս այնտեղ տանկեր չեն գտնի: Անկարայում դրանք կվերածվեն վայրերի, որտեղ մարդիկ հաճելի ժամանակ կանցկացնեն: Ի՞նչ գործ ունեն տանկերն Անկարայում և Ստամբուլում: Թշնամին ո՛չ Անկարայում է, ո՛չ էլ Ստամբուլում: Նրա տեղը հայտնի է»:

Աղբյուր` Ermenihaber.am

Այս ենթաբաժնի վերջին նորությունները

13:45, 29 ապր

Բացվել է Թուրքիայի 2-րդ ամենամեծ օդանավակայանը

Անթալիայի օդանավակայանը կարող է տարեկան սպասարկել շուրջ 82 մլն ուղևորի։

13:30, 28 ապր

Անկարան քուրդ զինյալներին սպառնում է ռազմական գործողություններով

Ֆիդան․«Ինչպես «Իսլամական պետություն» ահաբեկչական կազմակերպությունըդուրս եկավ ասպարեզից, այնպես էլ PKK-ն դուրս կգա: Կա՛մ իր կամքով՝ խաղաղության մեջ, կա՛մ այլ կերպ»։