Ուկրաինայի դեսպան. «Ուկրաինան պատրաստ է ամեն կերպ աջակցել Թուրքիային»

Տարածաշրջան13:25, 28 Հուլիս 2016

Ուկրաինայի դեսպան. «Ուկրաինան պատրաստ է ամեն կերպ աջակցել Թուրքիային»

Թուրքիայում Ուկրաինայի դեսպան Սերգեյ Կորսունսկին հայտարարել է, որ հեղաշրջման փորձից հետո ստեղծված դժվար իրավիճակում իր երկիրը պատրաստ է ցանկացած տեսակի աջակցություն ցուցաբերել Թուրքիային:

Ըստ թուրքական իշխանամետ «Sabah» թերթի կայքի` դեսպանը հիշեցնելով, որ Ուկրաինայի նախագահ Պյոտր Պորոշենկոն ամենասկզբում հրապարակավ դատապարտեց հեղաշրջման փորձը, ավելացրել է «Ուկրաինան առաջին երկրներից էր, որն իր աջակցությունը հայտնեց Թուրքիայի օրինական ընտրված կառավարությանն ու նախագահ Էրդողանին»:

Կորսունսկին անդրադարձել է նաև երկու երկրների միջև ծավալվող տնտեսական համագործակցությանը:

«Մենք շատ ենք հետաքրքրված Թուրքիայի կողմից իրականացվող ներդրումներով: Մենք անկասկած շարունակելու ենք զարգացնել երկկողմանի տնտեսական կապերը, ավարտին ենք հասցնելու համատեղ նախագծերը և կազմակերպելու ենք ընդհանուր առևտրաշրջանառությունը»,- ասել է ուկրաինացի դեսպանը:

Դեսպանը հիշեցրել է նաև, որ ուկրաինական «Naftogaz»-ի և թուրքական պետական գազային ընկերության` «BOTAŞ»-ի միջև բանակցություններ են ընթանում ուկրաինական գազապահեստարանների մի մասը թուրքական ընկերության կողմից շահագործելու հարցով:

Նշենք, որ նախորդ տարի Թուրքիայի և Ուկրաինայի միջև առևտրաշրջանառության ծավալը կազմել է 4.6 մլրդ դոլար:

Աղբյուր` Ermenihaber.am

Այս ենթաբաժնի վերջին նորությունները

13:45, 29 ապր

Բացվել է Թուրքիայի 2-րդ ամենամեծ օդանավակայանը

Անթալիայի օդանավակայանը կարող է տարեկան սպասարկել շուրջ 82 մլն ուղևորի։

13:30, 28 ապր

Անկարան քուրդ զինյալներին սպառնում է ռազմական գործողություններով

Ֆիդան․«Ինչպես «Իսլամական պետություն» ահաբեկչական կազմակերպությունըդուրս եկավ ասպարեզից, այնպես էլ PKK-ն դուրս կգա: Կա՛մ իր կամքով՝ խաղաղության մեջ, կա՛մ այլ կերպ»։