Իրավական07:04, 27 Հուլիս 2016
Էրդողանին քննադատող թուրք պրոֆեսորը իսկույն հեռացվել է ուղիղ եթերից
Թուրքիայում ուղիղ եթերից հեռացվել է Էրդողանին և իշխող «Արդարություն և զարգացում» կուսակցությանը (ԱԶԿ-AKP) քննադատող պրոֆեսորը: Թուրքական «Birgün» թերթի կայքի համաձայն՝ Մարմարայի համալսարանի դասախոս, դոկտոր, պրոֆեսոր Նուրշեն Մազըջըն, հյուրընկալվել է «Habertürk» հեռուստաընկերությանը, մասնակցել է «Enine Boyuna» հաղորդաշարին:
Ուղիղ եթերով հեռարձակվող այդ հաղորդման ընթացքում Մազըջըն անդրադարձել է հուլիսի 15-ի ձախողված հեղաշրջման փորձին: Նա կարծիք է հայտնել, որ նախագահ Էրդողանի կողմից ժողովրդին ուղղված փողոց դուրս գալու կոչը սխալ քայլ էր, քանի որ տվյալ պահին նրանց անվտանգությունը չէր կարող ապահովվել:
«Այն գիշեր բոլոր մահացածների կյանքը առնվազն նույն չափով կարևոր է, որքան Թայիփ Էրդողանի կյանքը», - նկատել է Մազըջըն:
Պրոֆեսորը նաև հրաժարվել է «շեհիթ» (նահատակ) կոչել այդ օրը զոհվածներին՝ պատճառաբանելով, որ դա կրոնական բովանդակություն ունեցող բառ է և ինքը, որպես գիտնական, իրավունք ունի հրաժարվել այդ բառի կիրառումից:
Հաղորդմանը ներկա գտնվող ԱԶԿ-ական ներկայացուցիչների և Մազըջըի միջև բանավեճ է ծավալվել. իշխանամետները պրոֆեսորից պահանջել են ներողություն խնդրել իր խոսքերի համար, իսկ Մազըջըն համառորեն պնդել է իր տեսակետը:
Գովազդային ընդմիջումից հետո Նուրշեն Մազըջըն այլևս չի մասնակցել հաղորդմանը: Ավելի ուշ Մարմարայի համալսարանը միջադեպի վերաբերյալ սոցիալական ցանցերում հայտարարություն է տարածել: Ըստ այդմ՝ դեպքի առթիվ պրոֆեսոր Նուրշան Մազըջըի դեմ իրավական և վարչական հետապնդումներ են սկսվել:
Այս ենթաբաժնի վերջին նորությունները
Թուրքիայում ազատազրկված անձանց թիվը ներկա դրությամբ հասնում է 362.000-ի։
Իտալական մամուլի տեղեկություններով՝ նրանք կասկածվում են «Մակկինա դի Սանտա Ռոզա» տոնին հնարավոր հարձակման նախապատրաստման մեջ։
Եթե 2020-ի դրությամբ Թուրքիայում քրեակատարողական հիմնարկների համալրվածությունը կազմում էր մոտավորապես 230.000, ապա այսօր այն գերազանցում է 266.000-ը:
Ուղիղ խոսք
Անկարայում հարձակում TUSAŞ-ի վրա․ մանրամասներ և վերլուծություն
ամենաշատ ընթերցված
Ուղուրջան Բալ. «Չնայած Հայաստանը տարածքով փոքր է, բայց խոր արմատներ ունեցող իր պատմությամբ աշխարհի ամենահին քաղաքակրթություններից մեկն է»։
Հանդիպմանը կողմերն անդրադարձել են նաև տարածաշրջանային հարցերի։
Կատարում տեղի ունեցած հարձակումից հետո իսրայելցի լրագրողը նման գրառում է արել սոցցանցում։
Ծնելիության բարձր ցուցանիշներ ունեն Իրաքը՝ 3.36 և Սիրիան՝ 2.59։
Թուրքիայի նախագահ. «Մենք կատեգորիկ թույլ չենք տա, որ խաթարվեն մեր փողոցները»։
Օրացույց
Հարցումներ
Այս տարի կբացվի՞ հայ-թուրքական սահմանը 2 երկրների քաղաքացիների համար:
արտարժույթ
| EUR | TRY | USD |
| 549.84 | 90.05 | 485.12 |