ԱՄՆ-ը հերթական անգամ զգուշության կոչ է արել Թուրքիա մեկնող իր քաղաքացիներին

Տարածաշրջան12:08, 27 Հուլիս 2016

ԱՄՆ-ը հերթական անգամ զգուշության կոչ է արել Թուրքիա մեկնող իր քաղաքացիներին

Անկարայում ԱՄՆ դեսպանատունը Թուրքիա մեկնել ցանկացող իր քաղաքացիներին զգուշացնող հայտարարություն է տարածել: BBC-ի թուրքական ծառայության համաձայն՝ հայտարարության մեջ մասնավորապես ասված է, որ և դեսպանատունը, և պետքարտուղարությունը ուշադրությամբ հետևում են Թուրքիայում հայտարարված արտակարգ իրավիճակի հետ կապված զարգացումներին:

Նշվել է, որ Անկարայի դեսպանատան և Ստամբուլի գլխավոր հյուպատոսարանի աշխատակիցները ցանկության դեպքում կարող են վերադառնալ ԱՄՆ:

Իսկ Թուրքիա մեկնելու մտադրություն ունեցող ԱՄՆ քաղաքացիների ուշադրությունը հրավիրվել է այն հանգամանքի վրա, որ եռամսյա արտակարգ իրավիճակի ընթացքում Թուրքիայում անվտանգության պահպանման նկատառումներով սովորականից ավելի լայնածավալ միջոցառումներ կարող են իրականացվել և երկրի ներսում ճամփորդելու սահմանափակումներ կարող են կիրառվել:

Թուրքիա մեկնել ցանկացող ԱՄՆ քաղաքացիներին նաև խորհուրդ է տրվել զերծ մնալ երկրի հարավարևելյան շրջաններ մեկնելուց:

Հիշեցնենք, որ հուլիսի 15-ի հեղաշրջման փորձից հետո Թուրքիայում եռամսյա ժամկետով արտակարգ իրավիճակ է հայտարարվել, որի ընթացքում իշխանության կողմից կարող են ուժեղացված անվտանգության միջոցառումներ և ամենատարբեր արգելքներ ու սահմանափակումներ կիրառվել: Իսկ նախագահ Ռեջեփ Թայիփ Էրդողանը նշել է, որ անհրաժեշտության դեպքում արտակարգ իրավիճակի ժամկետը կարող է երկարաձգվել ևս 4 ամսով:

Աղբյուր` Ermenihaber.am

Այս ենթաբաժնի վերջին նորությունները

13:45, 29 ապր

Բացվել է Թուրքիայի 2-րդ ամենամեծ օդանավակայանը

Անթալիայի օդանավակայանը կարող է տարեկան սպասարկել շուրջ 82 մլն ուղևորի։

13:30, 28 ապր

Անկարան քուրդ զինյալներին սպառնում է ռազմական գործողություններով

Ֆիդան․«Ինչպես «Իսլամական պետություն» ահաբեկչական կազմակերպությունըդուրս եկավ ասպարեզից, այնպես էլ PKK-ն դուրս կգա: Կա՛մ իր կամքով՝ խաղաղության մեջ, կա՛մ այլ կերպ»։