Ռուսաստանը հեղաշրջման փորձից ժամեր առաջ այդ մասին տեղեկացրել է Թուրքիային

Տարածաշրջան09:56, 21 Հուլիս 2016

Ռուսաստանը հեղաշրջման փորձից ժամեր առաջ այդ մասին տեղեկացրել է Թուրքիային

Ռուսաստանը ռազմական հեղաշրջման փորձից ժամեր առաջ այդ մասին տեղեկացրել է Թուրքիայի նախագահ Ռեջեփ Թայիփ Էրդողանին: Այս մասին հայտնում է թուրքական «Cumhuriyet» թերթի կայքը՝ հղում անելով Իրանի պետական «Fars» լրատվական գործակալությանը:

Նշվում է, որ Անկարայում գտնվող որոշ դիվանագիտական աղբյուրներ մամուլին տեղեկություններ են հայտնել, թե Ռուսաստանի պաշտպանության նախարարությունը թուրքական հետախուզական ստորաբաժանումներին տեղեկացրել է սպասվող հեղաշրջման մասին: Նույն դիվանագիտական աղբյուրների պարզաբանմամբ՝ տարածաշրջանում գտնվող ռուսական զինվորները որոշ թուրք զինվորականների բանակցություններ են բացահայտել: Այդ խոսակցությունների ապակոդավորումից պարզվել է, որ թուրքական բանակն Անկարայում իշխանությունների դեմ հեղաշրջում է պատրաստում:

Պարզվել է, որ այդ խոսակցությունների ժամանակ հրաման է տրվել ռազմական ուղղաթիռներ ուղարկել դեպի Մարմարիսի հյուրանոցներից մեկը, որտեղ գտնվում էր Թուրքիայի նախագահ Ռեջեփ Թայիփ Էրդողանը՝ վերջինիս կալանավորելու կամ սպանելու համար:

Դիվանագիտական աղբյուրները հրաժարվել են բացահայտել, թե Ռուսաստանն ինչպես է որսացել այդ խոսակցությունները, սակայն նշել են, որ Սիրիայում գտնվող ռուսական ավիաբազայում կան համակարգեր, որոնք կարող են դա անել:

Աղբյուր` Ermenihaber.am

Այս ենթաբաժնի վերջին նորությունները

13:45, 29 ապր

Բացվել է Թուրքիայի 2-րդ ամենամեծ օդանավակայանը

Անթալիայի օդանավակայանը կարող է տարեկան սպասարկել շուրջ 82 մլն ուղևորի։

13:30, 28 ապր

Անկարան քուրդ զինյալներին սպառնում է ռազմական գործողություններով

Ֆիդան․«Ինչպես «Իսլամական պետություն» ահաբեկչական կազմակերպությունըդուրս եկավ ասպարեզից, այնպես էլ PKK-ն դուրս կգա: Կա՛մ իր կամքով՝ խաղաղության մեջ, կա՛մ այլ կերպ»։