Տնտեսական11:26, 19 Հուլիս 2016
Հեղաշրջման փորձից հետո տեղի է ունեցել լիրայի փոխարժեքի ամենամեծ անկումը 2008-ից ի վեր
Հուլիսի 15-ի ուշ երեկոյան Թուրքիայում սկսված ռազմական հեղաշրջման փորձն իր ազդեցությունն ունեցավ նաև երկրի ֆինանսատնտեսական վիճակի վրա: Թուրքական «Onedio.com» լրատվակայքը ներկայացնում է ձախողված հեղաշրջման փորձից հետո Թուրքիայում նշյալ ոլորտում տեղի ունեցած և ակնկալվող ուշագրավ զարգացումները:
Մասնավորապես, վարչապետ Բինալի Յըլդըրըմի՝ «հեղաշրջման փորձ է կատարվել» բովանդակությամբ հայտարարությունից հետո Թուրքիայում կտրուկ աճել է լիրայի վաճառքի ինտենսիվությունը: Միաժամանակ թուրքական լիրայի փոխարժեքը ԱՄՆ դոլարի համեմատ մեկ երեկոյի ընթացքում անկում է ապրել 0.6 տոկոսով: Դոլար-լիրա փոխհարաբերությունը նշյալ ժամանակահատվածում 1 դոլար=2.88 թուրական լիրա փոխարժեքը դարձել է 1 դոլար=3.05 թուրքական լիրա: Այնուհետև նահաջել է մինչև 3.01: Սա լիրայի փոխարժեքի արձանագրված ամենամեծ անկումն է 2008թ. հետո:
Թուրքիայի «Denizbank»-ի գլխավոր տնօրեն Հաքան Աթեշը տեղեկացրել է, որ ուրբաթ օրը (հուլիսի 15-ին) այլ ուրբաթների համեմատ բանկոմատներից շուրջ 2.5 անգամ ավելի շատ գումար է կանխիկացվել: Սակայն բանկի տնօրենը ընդգծել է, որ շուկայի նման տատանումները նորմայի սահմաններում են:
Իսկ ներդրումների ոլորտի մասնագետներից Գյոքհան Ուսկուայը նշել է, որ Թուրքիայում յուրաքանչյուր ամիս որևէ մասշտաբային դեպք է արձանագրվում, այդ պատճառով էլ օտար ներդրողների մի մասը կարող է իր բաժնեմասերը վաճառելով դուրս գալ երկրից: Սակայն, Ուսքուայի համոզմամբ, դա ժամանակավոր բնույթ կկրի և ներդրողները դեռ կվերադառնան Թուրքիա:
Վերջին զարգացումները նաև թուրքական բանկերի համար են վճռորոշ եղել: Մասնավորապես, Թուրքիայի ավանդների փոխհատուցումը երաշխավորող հիմնադրամը հայտարարել է, որ թուրքական «Asya Katılım Bankası» բանկը ժամանակավորապես դադարեցնում է իր գործունեությունը: Բանկի հետ կապված բոլոր վճարումները ընդունելու իրավունքը տրվել է «Şekerbank»-ին:
Ձախողված հեղաշրջման պատճառով էլ ավելի մեծ անկումներ են սպասվում նաև զբոսաշրջության ոլորտում: Ռուսական ինքնաթիռի խոցումից հետո դեռ նոր-նոր կարգավորվող ռուս թուրքական հարաբերությունները ճգնաժամի մեջ գտնվող զբոսաշրջության ոլորտում աշխուժացման հնարավորություն էին ստեղծել, սակայն հուլիսի 15-ի դեպքերից հետո ակնկալվում է, որ տարվա երկրորդ կիսամյակում էլ տուրիզմում առանձնապես աշխուժություն չի նկատվի:
Իսկ «Bloomberg News»-ի գնահատմամբ՝ նավթի առևտրի համար կարևոր տարանցիկ երկիր հանդիսացող Թուրքիայում տեղի ունեցած վերջին իրադարձությունները կարող են խաթարել նավթի տեղափոխման գործընթացը, ինչպես նաև՝ նպաստել նավթի գնի բարձրացմանը:
Այս ենթաբաժնի վերջին նորությունները
Կարսում կազմակերպված «Սահմանակից նահանգների տնտեսական ֆորում»-ին ներկա է գտնվել նաև Թուրքիայում Ադրբեջանի դեսպան Ռաշադ Մամեդովը։
Թուրքիայի Էներգետիկայի և բնական պաշարների նախարարն արձագանքել է իրանական գազի ներկրման մասին մտահոգիչ խոսակցություններին։
Իրանի և Իսրայելի ֆոնդային բորսաներում ևս զգալի անկում է նկատվում։
Ուղիղ խոսք
Անկարայում հարձակում TUSAŞ-ի վրա․ մանրամասներ և վերլուծություն
ամենաշատ ընթերցված
Թերթի խմբագիր Տանձիկյանը ներկայացնում է, թե որը կարող է լինել այս «աշխատանքային այցի» օրակարգը, հատկապես, երբ տարածաշրջանը կրկին պատերազմի մեջ է Իրանի վրա Իսրայելի հարձակման պատճառով:
Նիկոլ Փաշինյանը հանդիպում կունենա տեղի հայ համայնքի ներկայացուցիչների հետ։
Աբբաս Արաղչին Ստամբուլում կմասնակցի «Իսլամական համագործակցություն» կազմակերպության անդամ երկրների արտգործնախարարների խորհդի նիստին:
Թուրքիայի պաշտպանության նախարար Յաշար Գյուլերը մասնակցել է Ադրբեջանի զինված ուժերի օրվա կապակցությամբ Անկարայում կազմակերպված ընդունելությանը։
Թուրքիայի նախագահ Ռեջեփ Թայիփ Էրդողանն և Ադրբեջանի նախագահ Իլհամ Ալիևը մասնակցել են Քահրամանմարաշում «Ադրբեջանական թաղամաս» համալիրի բացմանը Էրդողանը ելույթն ավարտել է քահարամանմարաշցի բան
Օրացույց
Հարցումներ
Այս տարի կբացվի՞ հայ-թուրքական սահմանը 2 երկրների քաղաքացիների համար:
արտարժույթ
| EUR | TRY | USD |
| 549.84 | 90.05 | 485.12 |