Ռուս հայտնի հասարակական գործիչ Ալեքսանդր Դուգինը Անկարայում է

Հասարակական07:16, 15 Հուլիս 2016

Ռուս հայտնի հասարակական գործիչ Ալեքսանդր Դուգինը Անկարայում է

Ռուս անվանի հասարակական գործիչ, փիլիսոփա, քաղաքագետ, Ալեքսանդր Դուգինը Թուրքիայի իշխող «Արդարություն և զարգացում» (ԱԶԿ-AKP) կուսակցության հրավերով մեկնել է Անկարա:

Ի դեպ, թուրքական լրատվամիջոցները Դուգինին ներկայացնում է իբրև ՌԴ նախագահ Վլադիմիր Պուտինի հատուկ ներկայացուցիչ:

Ըստ թուրքական «Ulusalkanal» լրատվակայքի` Դուգինի այցի կազմակերպմամբ և աջակցությամբ զբաղվել է Թուրքիայի «Հայրենիք» (Vatan) կուսակցությունը, որի միջնորդությամբ Դուգինին փոխանցվել է նշյալ հրավերը:

Անկարայում նա հանդիպել է ԱԶԿ-ի ներկայացուցիչների, Vatan-ի և Անկարայում գտնվող «Եվրասիայի տեղական ինքնակառավարման մարմիններ միության» ղեկավարների հետ, քննարկել ռուս-թուրքական հարաբերությունները, ինչպես նաև մի շարք առանցքային հարցեր:

Հանդիպումից հետո կազմակերպված մամուլի ասուլիսի ժամանակ Դուգինն ասել է, որ Թուրքիան պետք է վերադառնա Մուստաֆա Քեմալ Աթաթուրքի վարած քաղաքականությանը:

Անդրադառնալով սիրիական ճգնաժամին, նա շեշտել է, որ Ռուսաստանի Դաշնությունը (ՌԴ) և Թուրքիան կարող են համագործակցել ահաբեկչության դեմ պայքարում: Նրա կողմից կարևորվել է Սիրայի տարածքային ամբողջականությունը պահպանելու խնդիրը:

Ասուլիսի վերջում Դուգինը բարձ է գնահատել է «Vatan» կուսակցության դերը ռուս-թուրքական հարաբերությունների կարգավորման գործընթացում:

Ըստ թուրքական աղբյուրի` Դուգինը կարող է հանդիպում ունենալ Թուրքիայի նախագահ Ռեջեփ Թայիփ Էրդողանի հետ:

Աղբյուր` Ermenihaber.am

Այս ենթաբաժնի վերջին նորությունները

17:38, 08 մայ

Թուրքիայում սոցցանցի ավելի քան 27.000 հաշիվ է արգելափակվել․

Արգելափակումների հիմնական պատճառները եղել են հասարակական կարգը խախտող, ահաբեկչություն քարոզող կամ տարածող, ինչպես նաև ատելության խոսք պարունակող գրառումները։