Ֆեթուլլահ Գյուլենի կողմից վերահսկվող միջոցները գնահատվել են 150 մլրդ դոլար

Տարածաշրջան10:17, 15 Հուլիս 2016

Ֆեթուլլահ Գյուլենի կողմից վերահսկվող միջոցները գնահատվել են 150 մլրդ դոլար

Թուրքիայում գնահատել են նախագահ Ռեջեփ Թայիփ Էրդողանի քաղաքական հակառակորդ, հայտնի իսլամական քարոզիչ ԱՄՆ-ում բնակվող Ֆեթուլլահ Գյուլենի կողմից վերահսկվող անշարժ ու շարժական գույքը, ինչպես նաև դրամական միջոցները:

Ըստ թուրքական «Aktifmedya.com» լրատվական կայքի` 2013 թվականի դեկտեմբերի 17-ին Թուրքիայում բռնկված կոռուպցիոն սկանդալի և դրա շրջանակներում բազմաթիվ պաշտոնյաների ձերբակալությունների նախաձեռնող Գյուլենը Թուրքիայում և դրա սահմաններից դուրս մոտ 150 մլրդ դոլարանոց կարողություն է վերահսկում:

Թուրքական իշխանությունների կողմից FETÖ (Ֆեթուլահական ահաբեկչական կազմակերպություններ) անունը ստացած կազմակերպությանն են վերագրվում Թուրքիայում գործող և 9106 ընկերություններ միավորող «Kaynak», «Koza-İpek», «Naksan», «Akfa», «Boydak» հոլդինգները, որոնց վրա դատարանի որոշմամբ պետական կառավարիչներ են նշանակվել: Գյուլենականներին են պատկանում նաև 1.350 դպրոց ու 17 համալսարան Թուրքիայում:

Թուրքիայի իշխանությունների նախաձեռնությամբ Անկարայի հանրապետական դատախազությունը բազմաթիվ գործեր է հարուցել Գյուլենի և նրա կողմնակիցների նկատմամբ: Գործի շրջանակներում պատրաստվել է նաև հատուկ դոսյե, որով ԱՄՆ-ից պետք է պահանջվի Գյուլենի հանձնումը Թուրքական իրավապահ մարմիններին:

Գյուլենի տրամադրության տակ գտնվող միջոցների գնահատումը կատարվել է վերոնշյալ քրեական գործի շրջանակներում:

Աղբյուր` Ermenihaber.am

Այս ենթաբաժնի վերջին նորությունները

13:45, 29 ապր

Բացվել է Թուրքիայի 2-րդ ամենամեծ օդանավակայանը

Անթալիայի օդանավակայանը կարող է տարեկան սպասարկել շուրջ 82 մլն ուղևորի։

13:30, 28 ապր

Անկարան քուրդ զինյալներին սպառնում է ռազմական գործողություններով

Ֆիդան․«Ինչպես «Իսլամական պետություն» ահաբեկչական կազմակերպությունըդուրս եկավ ասպարեզից, այնպես էլ PKK-ն դուրս կգա: Կա՛մ իր կամքով՝ խաղաղության մեջ, կա՛մ այլ կերպ»։