Թուրքիան և Վրաստանը խորացնում են համագործակցությունը մշակույթի ոլորտում

Մշակութային12:04, 12 Հուլիս 2016

Թուրքիան և Վրաստանը խորացնում են համագործակցությունը մշակույթի ոլորտում

Թուրքիայի մշակույթի և զբոսշրջության նախարար Նաբի Ավջըն հանդիպում է ունեցել Վրաստանի մշակույթի և հուշարձանների պահպանությն նախարար Միխաիլ Գիորգաձեի հետ, որը Թուրքիայում է գտնվում Ստամբուլում անցկացվող ՅՈՒՆԵՍԿՕ-ի համաշխարհային ժառանգության հանձնաժողովի 40-րդ նիստին մասնակցելու նպատակով:

Ըստ թուրքական «Haberdetaylari.com» լրատվական կայքի` Նաբի Ավջըն վրացական հեռուստատեսությանը տված հարցազրույցում հայտարարել է, որ հանդիպման ընթացում համաձայնություններ են ձեռք բերվել 2 երկրներում առկա պատմական հուշարձանների և ընդհանուր մշակութային խորհրդանիշների համատեղ պահպանություն իրականացնելուն ուղղված քայլերի շուրջ: Թուրք նախարարը նշել է, որ կողմերը պայմանավորվել են համաձայնեցնել նաև ՅՈՒՆԵՍԿՕ-ի համաշխարհային ժառանգության հանձնաժողովի նիստին Թուրքիայի և Վրաստանի վերաբերյալ ընդունվելիք որոշումները` խորացնելով նշյալ միջազգային հարթակում համագործակցությունը:

Ավջըն նշել է, որ մոտ ժամանակներս պատրաստվում է այցելել վրաստան, որտեղ տեղի ունենալիք բանակցություններից հետո երկու երկրների միջև համագործակցության համապարփակ պայմանագիր կստորագրվի:

Աղբյուր` Ermenihaber.am

Այս ենթաբաժնի վերջին նորությունները

11:55, 15 ապր

Թուրքիայում կհեռարձակվի առաջին հայկական սերիալը

Սերիալը կհեռարձակվի «Լույս TV»-ի եթերում՝ հայերեն հնչողությամբ և թուրքերեն ենթագրով։

15:20, 11 ապր

Բուրսայում փլուզման եզրին գտնվող 300-ամյա հայկական եկեղեցին կվերածվի մշակութային կենտրոնի

Եկեղեցուն զուգահեռ վերանորոգվելու է հարակից տարածքում գտնվող և նախկինում ÇEK-ի կողմից շահագործված շենքը, որը ևս մշակութային կենտրոնի մի մասն է կազմելու: