Թուրք գործարարները մեկնել են հայ ադրբեջանական սահմանագիծ

Տարածաշրջան11:02, 06 Հուլիս 2016

Թուրք գործարարները մեկնել են հայ ադրբեջանական սահմանագիծ

Ադրբեջանում գործունեություն ծավալող «Թուրք գործարարների միության» (TÜSİAB) ղեկավարությունը մահմեդական Ռամադան տոնի առթիվ մեկնել է հայ-ադրբեջանական սահմանին գտնվող Թովուզ քաղաք, որտեղ հանդիպել են ադրբեջանցի զինվորների հետ:

Ինչպես հաղորդում է թուրքական «Haberexen» լրատվական կայքը, նշյալ այցը տեղի է ունեցել Ադրբեջանի խորհրդարանի (մեջլիս) պատգմավոր Գանիրա Փաշաևայի նախաձեռնությամբ:

Շփման գիծ են մեկնել TUSİAB-ի նախագահ Ջելիք Փոլաթը, գլխավոր քարտուղար Ուֆուք Այդընը, փոխնախագահ Լոքման Քարթալը և գործադիր խորհրդի անդամ Մեհմեթ Աքբըյըքը:

Փոլաթը հանդես գալով ելույթով, անդրադարձել է Ղարաբաղյան հակամարտությանը: Հավատարիմ մնալով թուրք-ադրբեջանական թեզերին՝ կրկին խոսել է «օկուպացված հողերի ազատագրման մասին» և հավելել, որ TÜSİAB-ը պատրաստ է իր հնարավորությունների չափով օժանդակել այդ հարցում:

Նա հույս և ցանկություն է հայտնել, որ Ադրբեջանի և Թուրքիայի դրոշները հաջորդ անգամ կծածանվեն «օկուպացված» հողերում: Նաև խոսել է ադրբեջանական բանակի ժամանակակից սարքավորումներով զինված լինելու մասին:

Աղբյուր` Ermenihaber.am

Այս ենթաբաժնի վերջին նորությունները

13:45, 29 ապր

Բացվել է Թուրքիայի 2-րդ ամենամեծ օդանավակայանը

Անթալիայի օդանավակայանը կարող է տարեկան սպասարկել շուրջ 82 մլն ուղևորի։

13:30, 28 ապր

Անկարան քուրդ զինյալներին սպառնում է ռազմական գործողություններով

Ֆիդան․«Ինչպես «Իսլամական պետություն» ահաբեկչական կազմակերպությունըդուրս եկավ ասպարեզից, այնպես էլ PKK-ն դուրս կգա: Կա՛մ իր կամքով՝ խաղաղության մեջ, կա՛մ այլ կերպ»։